Дар як шабонарӯз ду задухӯрди мусаллаҳона байни сарҳадбонони Тоҷикистон бо қочоқбарони Афғонистон ба амал омадааст
ДУШАНБЕ, 04.06.2017 /АМИТ «Ховар»/. Шаби 3 ба 4-уми июли соли равон хизматчиёни ҳарбии Қӯшунҳои сарҳадии КДАМ ҶТ ҳангоми таъмини ҳифзи хати сарҳади давлатӣ дар минтақаи отряди сарҳадии «Панҷ» кӯшиши ғайриқонунӣ гузаштани марзи давлатӣ ва интиқол додани маводи мухаддирро аз Ҷумҳурии Исломии Афғонистон ба Ҷумҳурии Тоҷикистон пешгирӣ карданд.
Дар ин хусус ба АМИТ «Ховар» сардори Маркази матбуоти Қӯшунҳои сарҳадии КДАМ ҶТ Муҳаммад Улуғхоҷаев иттилоъ дод.
«Қочоқчиёни мусаллаҳи афғон дар вақти убури ғайриқонунии марзи давлатӣ ба амри хизматчиёни ҳарбии Қӯшунҳои сарҳадӣ итоат накарда, ба тарафи хизматчиёни ҳарбӣ оташ кушоданд», — хабар дод М. Улуғхоҷаев.
«Аммо қочоқбарони афғон ба тирпаронии ҷавобии сарҳадбонон тоб наоварда, рӯ ба гурез ниҳоданд ва ба ҳудуди Афғонистон фирор намуданд», — зикр кард сардори Маркази матбуоти Қӯшунҳои сарҳадӣ.
Мувофиқи хабари расмӣ, ҳангоми азназаргузаронии ҷои ҳодиса 16 кг маводи мухаддири навъи ҳашиш, як адад яроқи оташфишони АКМ 74, як адад тирдон бо тирҳои қутраш 7,62 дарёфт ва мусодира карда шуд.
Инчунин шаби 3 ба 4- уми соли равон задухӯрди мусаллаҳонаи сарҳадбонони Тоҷикистон бо гурӯҳи дигари қочоқбарони Афғонистон дар минтақаи марзбонии отряди сарҳадии «Ҳамадонӣ» ба қайд гирифта шудааст.
«Гурӯҳи қочоқбарони номаълуми афғон аз шиддати оташи ҷавобии сарҳадбонони тоҷик ақибнишинӣ карда, ба ҳудуди Афғонистон баргаштанд. Ҳангоми азназаргузаронии ҷои ҳодиса ҷасади ду нафар қочоқбарони 30-35 солаи шахсияташон номаълум пайдо шуда, 4 кг маводи мухаддири навъи чарс, 1 кг маводи мухаддири навъи афюн, як адад телефони мобилӣ, як адад корди шикорӣ низ аз маҳали задухӯрди мусаллаҳона дарёфт ва мусодира карда шуд», — омадааст дар хабари расмии Маркази матуботи Қӯшунҳои сарҳадии Тоҷикистон.
Вобаста ба ҳар ду ҳодисаи задухӯрди мусаллаҳонаи сарҳадбонони Тоҷикистон бо қочоқбарони Афғонистон аз ҷониби муфаттишони Раёсати КДАМ ҶТ дар вилояти Хатлон тафтишот оғоз карда шудааст.
Ёдовар мешавем, ки хати сарҳади давлатии Тоҷикистон бо Афғонистон зиёда аз 1300 километр мебошад ва мураккабтарин минтақаи сарҳадӣ дар ҳудуди собиқ Иттиҳоди Шӯравӣ дониста шудааст.
А. Сангзода
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
