Филмҳои коргардонҳои тоҷик дар Фестивали байналмилалии филмҳои мусулмонӣ намоиш дода мешаванд
ДУШАНБЕ, 17.07.2017 /АМИТ «Ховар»/. Ду филми коргардонҳои тоҷик дар Фестивали байналмилалии филмҳои мусулмонӣ, ки аз 5 то 11 сентябри соли равон дар пойтахти Тотористон шаҳри Қазон баргузор мегардад, намоиш дода мешавад.
Ба иттилои Маркази матбуоти Вазорати фарҳанги Ҷумҳурии Тоҷикистон, барои иштирок дар ҷашнвораи мазкур 782 дархост аз 61 кишвар ворид гардида, ҳакамони ҷашнвора 60 филмро аз 27 кишвар барои иштирок интихоб намудаанд.
Аз Тоҷикистон дар Фестивали байналмилалии филмҳои мусулмонӣ филми «Мушкилкушо»-и Умед Мирзоширинов дар номинатсияи филмҳои бадеӣ ва филми «Комил»-и Сафарбек Солиев дар номинатсияи филмҳои ҳуҷҷатӣ намоиш дода мешавад.
«Мушкилкушо» дар бораи ишқи ҷавони москвагии санъаткор бо тоҷикдухтари зебоест, ки барои кор ба Россия меравад. Дар ин филм урфу одатҳои мардуми Бадахшон инъикос гардидааст. Филми ҳуҷҷатии «Комил» аз ҳаёт ва фаъолияти эҷодии коргардони машҳури кинои тоҷик Комил Ёрматов қисса мекунад.
Фестивали байналмилалии филмҳои мусулмонӣ дар Қазон аз соли 2005 инҷониб баргузор мегардад. То соли 2010 Фестивал «Минбари тиллоӣ» унвон дошт. Он аз ҷониби Вазорати фарҳанги Тотористон, Ҳукумати шаҳри Қазон ва Шӯрои муфтиҳои Россия роҳандозӣ мешавад. Барои иштирок дар ҷашнвора филмҳое, ки дар онҳо арзишҳои маънавии умумибашарии инсонӣ ва анъанаҳои фарҳангие, ки ғояҳои сулҳпарварона ва инсондӯстона инъикос менамоянд, интихоб карда мешаванд.
Имрӯз дар боғҳои шаҳри Душанбе рӯзҳои фарҳанги шаҳри Бохтар, ноҳияҳои Ховалинг, Лахш ва Сангвор баргузор мегарданд
«КИТОБИ ДУШАНБЕ». Дар пойтахти Тоҷикистон намоишгоҳи чордаҳуми байналмилалӣ баргузор мегардад
Дар Душанбе рӯзҳои фарҳанги шаҳри Бохтар, ноҳияҳои Ховалинг, Лахш, Сангвор, Рашт, Балҷувон ва Дарвоз баргузор мегарданд
Китоби «Аз забони ориёӣ то забони тоҷикӣ» ба нашр расид
Сахидод Раҳматуллозода: «Ба фарзандонатон номҳое гузоред, ки дар оянда аз он ифтихор намоянд»
Филми ҳунарии «Моҳӣ дар шаст» дар Кинофестивали VII байналмилалии «Дарвозаҳои ғарб» соҳиби Шоҳҷоиза шуд
Директори АМИТ «Ховар» дар Форуми воситаҳои ахбори омма ва марказҳои таҳлилии СҲШ дар Бишкек иштирок намуд
Имрӯз дар Бишкек Форуми воситаҳои ахбори омма ва марказҳои таҳлилии Созмони ҳамкории Шанхай баргузор мегардад
Рӯзи фарҳанги ноҳияи Данғара бо шукуҳу шаҳомати хосса баргузор гардид
Имрӯз дар Душанбе рӯзҳои фарҳанги ноҳияҳои Шаҳристон ва Кӯҳистони Мастчоҳ доир шуд
Имрӯз дар боғҳои шаҳри Душанбе рӯзҳои фарҳанги ноҳияҳои Данғара, Шаҳристон ва Кӯҳистони Мастчоҳ баргузор мегарданд
Рӯзи фарҳанги ноҳияи Деваштич дар Душанбе баргузор гардид
