Пагоҳ маросими расмии ифтитоҳи Намоишгоҳ-ярмаркаи байналмилалии «Тоҷикистон -2017» баргузор мегардад
ДУШАНБЕ, 26.07.2017 /АМИТ «Ховар»/. Аз 27 то 29 июли соли равон дар шаҳри Душанбе Намоишгоҳ-ярмаркаи универсалии байналмилалии «Тоҷикистон -2017» баргузор мегардад.
Тавре аз Палатаи савдо ва саноати Ҷумҳурии Тоҷикистон ба АМИТ «Ховар» иттилоъ доданд, дар намоишгоҳи мазкур бахшҳои сохтмон, энергетика, таҷҳизот барои соҳаи кӯҳканӣ, металлургӣ, саноати кимиё, соҳаҳои кишоварзӣ, хӯрокворӣ, тандурустӣ, саноати сабук (таҷҳизот ва технология), сайёҳӣ, таҷҳизот ва технологияҳои истеҳсолӣ, соҳаи бонкӣ, молиявӣ ва сармоягузорӣ муаррифӣ карда мешаванд. Дар кори намоишгоҳ ширкатҳои бонуфуз аз давлатҳои хориҷии дуру наздик ва инчунин ширкатҳои ватанӣ иштирок мекунанд.
Дар доираи намоишгоҳ 27 июл, соати 15-00 дар Муассисаи давлатии «Кохи Борбад» баргузории ҳамоиши доираҳои соҳибкорон — иштирокдорони Намоишгоҳ-ярмаркаи универсалии байналмилалии «Тоҷикистон -2017» ва 28 июл, соати 10-00 ҳамоиши сеҷонибаи доираҳои соҳибкорони Ҷумҳурии Тоҷикистон, Ҷумҳурии Исломии Афғонистон ва Ҷумҳурии Беларус пешбинӣ шудааст.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
