Роҳбарияти Вазорати корҳои дохилӣ, Вазорати фарҳанг, Кумитаи андози назди Ҳукумати Ҷумҳурии Тоҷикистон оид ба натиҷаҳои фаъолияти нимсолаи аввали соли ҷорӣ бо журналистон мулоқот мекунанд
ДУШАНБЕ, 20.07.2017 /АМИТ «Ховар»/. Пагоҳ, 21 июли соли 2017 дар Душанбе нишасти матбуотии Вазорати корҳои дохилии Ҷумҳурии Тоҷикистон, Вазорати фарҳанги Ҷумҳурии Тоҷикистон, Кумитаи андози назди Ҳукумати Ҷумҳурии Тоҷикистон, Донишкадаи молия ва иқтисоди Тоҷикистон ва Донишкадаи исломии Тоҷикистон баргузор мешаванд.
Нишасти матбуотии Вазорати фарҳанги Ҷумҳурии Тоҷикистон оид ба ҷамъбасти нимсолаи аввал соати 9:00 дар толори Маркази матбуоти ҷумҳуриявии «Ховар» (ш. Душанбе, хиёбони Рӯдакӣ, 40) доир мегардад., Мулоқоти роҳбарияти Вазорати корҳои дохилии Тоҷикистон бо намояндагони воситаҳои ахбори омма соати 11:00 дар бинои ВКД ҶТ таъйин шудааст.
Кумитаи андози назди Ҳукумати Ҷумҳурии Тоҷикистон журналистонро ҷиҳати иштирок дар нишасти матбуотӣ вобаста ба ҷамъбасти нимсолаи аввали соли 2017 ба бинои нозироти андозсупорандагони калон рӯзи 21 июл, соати 9:00 (ш. Душанбе, кӯчаи Шамсӣ 5/3) даъват кардааст.
Ҳамчунин пагоҳ 21 июл, соати 8:00 субҳ нишасти матбуотии Донишкадаи исломии Тоҷикистон ба номи Имоми Аъзам (Абу-ҳанифа) дар бинои Донишкадаи мазкур (ш. Душанбе, кӯчаи Шодмонӣ 58/1) ва нишасти матбуотии Донишкадаи молия ва иқтисоди Тоҷикистон соати 11:00 дар толори Маркази матбуоти ҷумҳуриявии «Ховар» (хиёбони Рӯдакӣ, 40) гузаронида мешаванд.
Мутобиқи Амри Президенти Ҷумҳурии Тоҷикистон аз 15 сентябри соли 2011 №АП-1729 вазорату идораҳо ва ташкилоту муассисаҳои мамлакат баъд аз ҷамъбасти натиҷаҳои фаъолияти шашмоҳа ва солона ҳар сол ду маротиба нишастҳои матбуотӣ баргузор карда, ба саволҳои намояндагони ВАО посух медиҳанд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
