Тоҷиддин Асомиддинзода: «Агар инсон донишу фаҳмиши саҳеҳ дошта бошад, мафкураи ӯро ба самти бегона бурдан ғайри имкон хоҳад буд»
ДУШАНБЕ, 21.07.2017 /АМИТ «Ховар»/. Яке аз самтҳои асосии фаъолияти Донишкадаи исломии Тоҷикистон ба номи Имоми Аъзам мубориза бар зидди терроризму экстремизм ва пайвастшавии ҷавонон ба гурӯҳҳои ифротӣ ва тундгаро мебошад. Дар ин бора Ректори Донишкадаи исломии Тоҷикистон ба номи Имоми Аъзам Тоҷиддин Асомиддинзода имрӯз, 21 июл, зимни нишасти матбуотӣ ба хабарнигорон иттилоъ дод.
Номбурда зикр кард: «Бо таваҷҷуҳ ба он, ки дар Донишкада ҷараёни таълим дар асоси мазҳаби таҳаммулгарои ҳанафӣ ба роҳ монда шудааст, омӯзгорони он аз донишмандони сатҳи баланди соҳа ба ҳисоб мераванд, ки дар нишон додани фарҳанги дурусти диндорӣ, маънидод кардани далелҳои саҳеҳ ва шарҳ додани онҳо барои ҷавонон ва омма саҳм мегузоранд».
Тоҷиддин Асомиддинзода инчунин баён дошт, ки Донишкада яке аз ҳалқаҳои устувори таълим ва тарбия дар ҷумҳурӣ ба ҳисоб рафта, дар таълиму тарбияи насли наврас ва тайёр намудани кадрҳои баланихтисоси соҳавӣ саҳми назаррас мегузорад.
Тавре ба ҳамагон маълум аст, тайи чанд соли охир ҷавононе, ки саводи кофии динӣ ва дунявӣ надоранд, аз ҳамаи кишварҳои ҷаҳон, аз ҷумла аз Тоҷикистон ба ҳизбу ҳаракатҳои гуногуни ифротӣ шомил шуда, боиси нигаронии зиёди аҳли ҷомеа гардидаанд.
Муовини Ректори Донишкадаи исломии Тоҷикистон ба номи Имоми Аъзам Искандаршо Умарзода дар ин маврид гуфт: «Аз Донишкадаи исломии Тоҷикистон ягон нафар то ба имрӯз ба ҳизбу ҳаракатҳои ифротӣ шомил нашудааст. Баҳри пешгирии ин падида Донишкада дар ҳамкорӣ бо Вазорати корҳои дохилӣ ва дигар сохторҳои қудратии Ҷумҳурии Тоҷикистон мунтазам конференсияву вохӯриҳои судмандро доир мекунад».
«Асоси гаравиши як инсон ба як самт, пеш аз ҳама, боварӣ ва эътиқоди ӯ мебошад. Ин боварӣ ва эътиқоди солим дар ҳоле ба миён меояд, ки ин ё он шахс ба саволҳои худ аз ҷониби устодон посухи мушаххас бигирад ва аз он қонеъ гардад. Агар инсон донишу фаҳмиши саҳеҳ дошта бошад, мафкураи ӯро ба самти бегона бурдан ғайриимкон хоҳад буд»,-гуфт Тоҷиддин Асомиддинзода.
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Имрӯз дар Вазорати тандурустӣ ва ҳифзи иҷтимоии аҳолӣ, Кумитаи кор бо ҷавонон ва варзиш, Кумитаи кор бо занон ва оила, Мақомоти шаҳри Душанбе ва Комиссияи олии аттестатсионӣ нишасти матбуотӣ баргузор мегардад
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
Имрӯз дар баъзе ноҳияҳои Тоҷикистон бориши борон ва барф дар назар аст
Зимни ҳамоиши ҳизбӣ дар ноҳияи Фирдавсӣ 200 нафар ятимон ва донишҷӯён бо корти нақлиётӣ таъмин гардиданд
