Намоиши дастовардҳои соҳаи меъморию шаҳрсозӣ ва тавлидоти масолеҳи сохтмонӣ дар Қӯрғонтеппа
ДУШАНБЕ, 12.08.2017 /АМИТ «Ховар»/. Дирӯз дар маркази маъмурии вилояти Хатлон -шаҳри Қӯрғонтеппа намоишгоҳи ҷумҳуриявии дастовардҳои соҳаи меъморию шаҳрсозӣ ва масолеҳи сохтмонии ватании воридотивазкунанда оғоз гардид, ки дар маросими ифтитоҳи он Азим Иброҳим, муовини Сарвазири Ҷумҳурии Тоҷикистон иштирок намуд.
Намоишгоҳи мазкур бо ибтикори Кумитаи меъморӣ ва сохтмони назди Ҳукумати Ҷумҳурии Тоҷикистон ба ифтихори 26-умин солгарди Истиқлолияти давлатии Ҷумҳурии Тоҷикистон ва Рӯзи сохтмончиён, ки ҳамасола якшанбеи дуюми моҳи август таҷлил мегардад, созмон дода шудааст.
Аз Кумитаи меъморӣ ва сохтмони назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ки ҳадафи ташкили намоишгоҳи масолеҳи сохтмонӣ рушди минбаъдаи соҳаи сохтмон ва меъморӣ, муаррифии маҳсулот ва масолеҳи сохтмонии истеҳсоли ватанӣ, табодули таҷриба ва беҳтар гардонидани сифати масолеҳи бинокорӣ дар ҷумҳурӣ мебошад.
Дар намоишгоҳ, ки муддати ду рӯз идома меёбад, 16 ташкилоти лоиҳакашӣ, наздик ба 30 корхонаи истеҳсоли масолеҳи сохтмонӣ ва 12 корхонаи хиштистеҳсолкунандаи ҷумҳурӣ ширкат намуда, маҳсулоти хуро ба намоиш гузоштанд. Чунин намоишгоҳ соли гузашта дар Душанбе –пойтахти ҷумҳурӣ ташкил гардида буд.
Интизор меравад, ки дар солҳои минбаъда намоишгоҳи масолеҳи сохтмонӣ дар марказҳои маъмурии вилоятҳои Суғду Бадахшон, шаҳрҳои Хуҷанд ва Хоруғ гузаронида шавад.
Ҳамзамон дар назар аст, ки имрӯз дар доираи намоишгоҳи ҷумҳуриявии дастовардҳои соҳаи меъморию шаҳрсозӣ ва масолеҳи сохтмонии ватании воридотивазкунанда озмуни «Беҳтарин истеҳсолкунандаи хишт-2017» ҷамъбаст гардад.
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
