Ғолибияти дастаи мунтахаби Федератсияи ҷумҳуриявии пойгаи равон ва бузкашӣ дар мусобиқаи ҷаҳонӣ
ДУШАНБЕ, 28.08.2017 /АМИТ «Ховар»/. Аз 21 то 27 август дар шаҳри Остонаи Ҷумҳурии Қазоқистон мусобиқаи байналмилалӣ оид ба бузкашӣ баргузор шуд.
Тавре аз Федератсияи ҷумҳуриявии пойгаи равон ва бузкашии Ҷумҳурии Тоҷикистон хабар доданд, дар мусобиқа 12 даста аз ҷумҳуриҳои Тоҷикистон, Қирғизистон, Қазоқистон, Ӯзбекистон, Озарбойҷон, Россия, ИМА, Туркия, Муғулистон, Венгрия, Хитой ва Афғонистон ширкат варзиданд.
Ҷумҳурии Тоҷикистонро дар ин мусобиқаи сатҳи ҷаҳонӣ дастаи мунтахаби Федератсияи ҷумҳуриявии пойгаи равон ва бузкашии Ҷумҳурии Тоҷикистон муаррифӣ намуда, соҳиби ҷойи сеюм ва ҷоиза дар ҳаҷми 2 миллион тангаи қазоқӣ гардид.
Дар даври аввали мусобиқа дастаи мунтахаби Ҷумҳурии Қазоқистон ба дастаи мунтахаби Ҷумҳурии Қирғизистон бо ҳисоби 3:1 ва дар даври дуюм бо ҳисоби 4:1 ғолиб баромад.
Ҳамин тариқ, дастаи мунтахаби Ҷумҳурии Қазоқистон ба гирифтани ҷои аввал ва шоҳҷоиза – 10 миллион тангаи қазоқӣ мушарраф гардид.
Дастаи мунтахаби Ҷумҳурии Қирғизистон соҳиби ҷойи дуюм ва ҷоиза дар ҳаҷми 5 миллион тангаи қазоқӣ шуд.
«Бузкашӣ» ва ё «кок-бору» — бозии қадимии аспдавонӣ буда, дар байни халқҳои Осиёи Марказӣ маъмул мебошад. Дар ин бозиҳо савораҳои ду даста барои соҳиб шудан ба тани бузи кушташуда қувваозмоӣ намуда, дар ҳолати соҳиб шудан онро ба дарвозаи ҳариф ҳаво медиҳанд.
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид
