Зафар Самад: «Агентӣ фаъолияти 24 гурӯҳи ҷиноятиро ошкор ва қатъ гардонид»
ДУШАНБЕ, 2.07.2017 /АМИТ «Ховар»/ Дар шаш моҳи аввали соли равон дар дастгоҳи марказӣ ва раёсатҳои вилоятии Агентии назорати маводи нашъаовари назди Президенти Ҷумҳурии Тоҷикистон бо роҳи сӯзонидан дар маҷмӯъ 1 тоннаю 691 кг маводи нашъаовар нобуд карда шуд, ки назар ба соли гузашта 1 тонна зиёд мебошад. Ин нуктаро Зафар Самад, муовини директори Агентии назорати маводи нашъаовар имрӯз зимни нишасти матбуотии ин ниҳод дар ҳузури хабарнигорон баён кард.
Дар нишаст инчунин зикр карда шуд, ки тибқи омори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, дар давраи шашмоҳаи аввали соли равон бо ташхиси «нашъамандӣ» 7102 нафар бемор ба қайд гирифта шудаанд, ки ин нишондод нисбат ба соли гузашта 1,3 фоиз ё 83 нафар коҳиш ёфтааст.
Зикр карда шуд, ки бо мақсади пешгирии нашъамандӣ ва мубориза бо паҳнкунандагони маводи нашъадор дар байни аҳолии ҷумҳурӣ тадбриҳо пурзӯр карда шуда, танҳо дар шашмоҳаи аввал дар шаҳри Душанбе 2 фасодхона ошкор ва фаъолияти онҳо қатъ карда шуд.
«Ҷиҳати пурзӯр намудани мубориза бар зидди гурӯҳҳои ҷиноятпеша аз ҷониби Агентӣ тадбирҳои мушаххас андешида шудаанд. Дар шаш моҳи аввали соли равон кормандони Агентӣ бевосита фаъолияти 24 гурӯҳи ҷиноятиро дар ҳайати 61 нафар ошкор ва қатъ гардониданд, ки 2-тои онҳо гурӯҳҳои муташаккили ҷиноятпеша мебошанд»,-хабар дод муовини директори Агентии назорати маводи нашъаовари назди Президенти Ҷумҳурии Тоҷикистон.
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
