Дар Филармонияи давлатии Тоҷикистон садои суруду мусиқии ҳиндӣ танин андохт
ДУШАНБЕ, 02.09.2017/АМИТ «Ховар»/. Шоми дирӯз бахшида ба 70 — солагии Рӯзи истиқлолияти Ҳиндустон ва 25 – солагии барқарор гардидани муносиботи дипломатии Тоҷикистону Ҳиндустон дар Филармонияи давлатии Тоҷикистон ба номи Акашариф Ҷӯраев Консерти мусиқии вокалии классикии ҳиндӣ дар иҷрои ҳунарманди маъруфи Ҳиндустон хонум Ручира Панда ва ансамбли ӯ баргузор гардид.
Тавре хабарнигори АМИТ «Ховар» иттилоъ медиҳад, дар консерти мазкур Сафири Фавқулода ва Мухтори Ҳиндустон дар Тоҷикистон Сомнатҳ Гҳош, муовини Вазири фарҳанги Ҷумҳурии Тоҷикистон Зевар Давлатзода, намояндагони корпусҳои дипломатии муқими Душанбе ва ҳаводорони санъати волои ҳиндӣ иштирок намуданд.
Сомнатҳ Гҳош бо ифтихор аз ин ду санаи таърихӣ ёдовар шуда, зикр намуд: «Дар Ҳиндустон ва Тоҷикистон аз анъанаву фарҳанг ва таърихи шабеҳи якдигар бохабаранд ва онро гиромӣ медоранд. Муносибатҳои байни давлатҳои мо ҳазорсолаҳоро дарбар мегиранд. Ин муносибот аз соҳаҳои адабиёт, забон, фарҳанг ва тарзи зиндагонӣ иборат мебошанд, ки ба инсондӯстӣ равона гардидаанд. Аз сабаби шабеҳияти хос доштани муносиботи фарҳангии ҳарду давлат ва бисёр хуб пазируфта шудани фарҳанги Ҳиндустон дар Тоҷикистон мо ин барномаи фарҳангиро баргузор намудем».
«Солҳои охир аз ҷониби Сафорати Ҳиндустон дар Тоҷикистон чорабиниҳои фарҳангии зиёд баргузор мешаванд, ки ин барои боз ҳам равнақ бахшидани муносибатҳои фарҳангии ду кишвар мусоидат хоҳад кард. Он ҷое, ки ҳунари Ҳиндустон ҳаст, он ҷо рақс аст ва мусиқии зебо аст, ки дар кишвари мо мухлисони зиёд дорад ва ин барномаи фарҳангӣ ба хотири шод гардонидани мухлисони санъати мусиқии ҳинд роҳандозӣ гардид», — зикр кард муовини Вазири фарҳанги Ҷумҳурии Тоҷикистон Зевар Давлатзода.
Ёдовар мешавем, ки 28 августи соли ҷорӣ миёни Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ҳиндустон Рам Натх Ковинд ба муносибати 25-умин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад ва сарони ҳарду давлат хостори боз ҳам рушд додани муносиботи дуҷониба шуданд.
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Дар Эрон Фестивали байналмилалии «Фаҷр» баргузор гардид
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон ифтитоҳ меёбанд
Туҳфаи арзандаи Пешвои миллат — «Шоҳнома»-и Абулқосим Фирдавсӣ ба 60 ҳазор оилаи шаҳри Панҷакент тақдим мегардад
