«Нақши Суди конститутсионии Ҷумҳурии Тоҷикистон дар таъмини суботи конститутсионӣ дар кишвар»-конференсияи байналмилалӣ

Сентябрь 5, 2017 14:53

ДУШАНБЕ, 05.09.2017 /АМИТ «Ховар»/. «Нақши Суди конститутсионии Ҷумҳурии Тоҷикистон дар таъмини суботи конститутсионӣ дар кишвар»-таҳти чунин унвон судяи Суди конститутсионии Ҷумҳурии Тоҷикистон Даврон Ҳошимзода дар Конференсияи байналмилалӣ дар мавзўи «Конститутсия ва модернизатсияи ҷомеа ва давлат», ки ҳафтаи гузашта дар  Ҷумҳурии Қазоқистон ба муносибати солгарди қабули Конститутсияи ин кишвар доир гардид, иштирок ва маърўза намуд.

Тавре ба хабарнигори АМИТ «Ховар» аз Суди конститутсионӣ хабар доданд, судяи Суди конститутсионӣ Даврон Ҳошимзода оид ба аҳамияти Конститутсия дар рушди давлатдории навин, нақши мақомоти назорати конститутсионӣ дар ҳифзи Конститутсия, таъмини суботи конститутсионӣ ва татбиқи муқаррароти Конститутсияи кишвар сухан гуфт.

Ба иттилои манбаъ, дар кори конференсия намояндагони мақомоти назорати конститутсионии ҷумҳуриҳои Арманистон, Булғористон, Венгрия, Гурҷистон, Қирғизистон, Латвия, Германия, Туркия, Ӯзбекистон, Украина, Шоҳигарии Иордания, Федератсияи Россия, Суди иқтисодии Авруосиё, Комиссияи Венетсиании Шўрои Аврупо, Мудирияти генералӣ оид ба ҳуқуқи инсон ва волоияти ҳуқуқи Шўрои Аврупо, Созмони байналмилалии ҳуқуқшиносон ва дигар созмонҳои байналмилалӣ, мақомоти ҳокимияти давлатии Ҷумҳурии Қазоқистон, инчунин олимони соҳаи ҳуқуқ иштирок ва суханронӣ намуданд.

«Зимни конференсия, ки тайи ду рўз идома ёфт, мавзўъҳои мухталифи марбут ба Конститутсия ва конститутсионализм, аз қабили Конститутсия ҳамчун воситаи модернизатсияи ҷомеа ва давлат, татбиқи меъёрҳои Конститутсия кафили рушди ҷомеа, нақши Суди конститутсионӣ дар таъмини суботи конститутсионӣ дар мамлакат, ҳифзи ҳуқуқу озодиҳои инсон ва шаҳрванд дар шароити ислоҳоти конститутсионӣ, таҷрибаи пешбурди назорати конститутсионӣ дар давлатҳои алоҳида ва дигар мавзўъҳои мубрами соҳаи ҳуқуқ муҳокима  гардиданд»,- илова намуд манбаъ.

Сентябрь 5, 2017 14:53

Хабарҳои дигари ин бахш

Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
«ИСТИҚЛОЛ-НЕЪМАТИ БЕБАҲО». Дар ин мавзуъ дар Донишгоҳи давлатии Хоруғ конференсияи илмӣ доир гардид
Донорҳо аз Бунёди Lives & Livelihoods дастовардҳо дар соҳаи ҳифзи саломатии модар ва кӯдакро дар Тоҷикистон таҷлил менамоянд