Дар ноҳияи Деваштич Комендатураи сарҳадии «Карачикум» ба истифода дода шуд
ДУШАНБЕ, 5.10.2017 /АМИТ «Ховар»/. Дар ноҳияи Деваштич Комендатураи сарҳадии «Карачикум» ба истифода дода шуд. Дар маросими тантанавии ифтитоҳи он котиби Шӯрои амнияти Ҷумҳурии Тоҷикистон Абдураҳим Қаҳҳоров, Фармондеҳи Қӯшунҳои сарҳадии КДАМ ҶТ Раҷабалӣ Раҳмоналӣ, собиқадорон ва ҳайати шахсии Отряди сарҳадии «Деваштиҷ» иштирок карданд.
Тавре ба хабарнигори АМИТ «Ховар» сардори маркази матбуоти Қӯшунҳои сарҳадии КДАМ ҶТ Муҳаммад Улуғхоҷаев хабар дод, дар комендатураи сарҳадии навбунёд тамоми шароити пешбурди хизмати ҳарбӣ барои сарҳадбонон, аз ҷумла утоқҳои корӣ, хобгоҳ, синфхонаҳои таълимӣ, компютерӣ, китобхона, хонаи фароғатӣ, ошхона, ҳаммоми замонавӣ, анборҳои таъминоти ақибгоҳӣ, буғхона, майдончаҳои варзишӣ, тактикӣ ва дигар иншооти ёрирасони ба талаботи замони муосир ҷавобгӯ муҳайё мебошанд.
Зимни ифтитоҳи комендатура котиби Шӯрои амнияти Ҷумҳурии Тоҷикистон Абдураҳим Қаҳҳоров зикр кард, ки Комендатураи сарҳадии «Карачикум» бо мақсади таъмини боэътимоди амнияти кишвар дар сарҳади давлатӣ ва фароҳам овардани шароити мусоиди хизматӣ барои сарҳадбонон ба истифода дода шудааст.
Фармондеҳи Қӯшунҳои сарҳадии КДАМ ҶТ Раҷабалӣ Раҳмоналӣ ба сохтмончиён барои бо сифати баланд сохтани комендатура миннатдорӣ баён намуда, ҳозиринро бовар кунонид, ки ба таваҷҷуҳу ғамхориҳои доимии Сарфармондеҳи Олии Қувваҳои мусаллаҳи Ҷумҳурии Тоҷикистон муҳтарам Эмомалӣ Раҳмон баҳри таъмини шароити мусоиди хизматӣ-маишӣ сарҳадбонон бо хизмати содиқонаву софдилона ҷавоб хоҳанд гуфт.
Дар охир аз ҷониби санъаткорони ноҳияи Б. Ғафурови вилояти Суғд барномаи фарҳангӣ-фароғатӣ пешниҳод гардид.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
