Дар пойтахт мусобиқаи футбол барои дарёфти Ҷоми раиси шаҳри Душанбе баргузор мегардад

ДУШАНБЕ, 17.10.2017 /АМИТ «Ховар»/.  Мақомоти иҷроияи ҳокимияти давлатии шаҳри Душанбе ба муносибати  Рӯзи Президенти Ҷумҳурии Тоҷикистон аз 20 октябр то 16 ноябри соли 2017 баргузории  мусобиқаи футболи хурдро миёни дастаҳои вазорату идора, ташкилоту муассиса ва сохторҳои пойтахт барои дарёфти «Ҷоми Раиси шаҳри Душанбе»  эълон менамояд.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе  ба АМИТ «Ховар» хабар доданд, мусобиқа бо иштироки футболбозони беш аз 40 дастаи шаҳри Душанбе дар майдончаҳои варзишии Варзишгоҳи марказии ҷумҳуриявӣ  доир мешавад.

Ғолибони мусобиқа бо «Ҷоми Раиси шаҳри Душанбе», медалу дипломҳо ва туҳфаҳои моливу пулии мақомоти иҷроияи ҳокимияти давлатии шаҳри Душанбе сарфароз мегарданд.

Мусобиқа 16 ноябри соли равон дар Рӯзи Президенти Ҷумҳурии Тоҷикистон  ҷамъбаст карда мешавад.