Дар Ҷумҳурии Тоҷикистон Фонди бозтамвил таъсис дода шуд
ДУШАНБЕ, 06.10.2017 /АМИТ «Ховар»/. Дар Ҷумҳурии Тоҷикистон бо дастгирии Ҳукумати Ҷумҳурии Тоҷикистон ва шарикони рушд Фонди бозтамвил таъсис дода шуд.
Дар ин бора ба хабарнигори АМИТ «Ховар» сардори маркази матбуоти Вазорати рушди иқтисод ва савдо Нуралӣ Шоқурбонов хабар дод.
Ба иттилои номбурда, Фонди мазкур имконият медиҳад, ки дастрасии устувори дарозмуддат барои бозтамвили дохилӣ бо асъори миллӣ дар муассисаҳои молиявӣ ва бонкҳои Тоҷикистон ба роҳ монда шавад.
Илова бар ин, Фонд механизми самаранок ва шаффоф барои ҷалби маблағҳои иловагӣ аз донорҳо ва сармоягузороне мебошад, ки барои рушди минбаъдаи бахши молиявии Тоҷикистон маблағгузорӣ ё сармоягузорӣ мекунанд.
Ёдовар мешавем, ки 7 июни соли 2017 Фонди бозтамвил расман дар Кумитаи андози назди Ҳукумати Ҷумҳурии Тоҷикистон ба қайд гирифта шудааст. Бонки миллии Тоҷикистон ва Вазорати адлия барои пешбурди фаъолияти Фонди бозтамвил ба муҳити ҳуқуқии кишвар тағйирот ворид намуданд ва 19 сентябри соли 2017 «Фонди бозтамвил» соҳиби иҷозатнома гардид.
4 октябри соли 2017 дар маҷлиси муштараки донорҳо ва муассиси Фонди бозтамвил — Шӯрои сарпарастон роҳбари Фонди бозтамвил таъйин карда шуд.
Бояд зикр намуд, ки Фонди бозтамвил муассисаи устувор мебошад, ки рушди иқтисодиёт, соҳибкории хурду миёна, минтақаҳои деҳот ва аҳолии Тоҷикистонро дастгирӣ мекунад.
Ташкил ва фаъолияти Фонди бозтамвил бо дастгирии Бонки германии рушд (KfW) дар чаҳорчӯбаи ҳамкории минтақавии молиявии Германия бо Ҷумҳурии Тоҷикистон, ки аз тарафи Вазорати федеролии ҳамкории иқтисодӣ ва рушд (BMZ) маблағгузорӣ карда мешавад, инчунин бо дастгирии иловагии Бонки Осиёии Рушд амалӣ мегардад.
Дороиҳои «Саноатсодиротбонк» дар нимсолаи якуми соли 2025 афзоиш ёфтааст
Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд
Буфатима Турганбоева: «Грантҳои президентӣ имкон медиҳанд, ки занони соҳибкор дар рушди саноатикунонии Тоҷикистон саҳм гузоранд»
НИШАСТИ МАТБУОТӢ. «Амонатбонк» ба муштариён беш аз 1 миллиард сомонӣ қарз пешниҳод намудааст
НИШАСТИ МАТБУОТӢ. Аз ҷониби судҳои иқтисодӣ, коллегияҳои кассатсионию назоратӣ ва Раёсати Суди Олии иқтисодӣ 1924 парванда баррасӣ гардид
НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
НИШАСТИ МАТБУОТӢ. Сомонаҳои 45 мақомоти давлатӣ ба «Интернет портали ягонаи давлатӣ — «eHukumat.tj» пайваст карда шудаанд
НИШАСТИ МАТБУОТӢ. Дар корхонаҳои саноатии шаҳри Турсунзода 96 номгӯй маҳсулоти саноатӣ истеҳсол карда мешавад
НИШАСТИ МАТБУОТӢ. 178 нархномаи хизматрасонии пулакии муассисаю ташкилоти давлатӣ ва ғайридавлатӣ ба мувофиқа расонида шуд
