Лоиҳаи «ИнфоТур Across Tajikistan» оид ба ҷалби сайёҳони хориҷӣ ба Тоҷикистон анҷом ёфт
ДУШАНБЕ, 03.10.2017 /АМИТ «Ховар»/. Лоиҳаи «ИнфоТур Across Tajikistan», ки бо ибтикори ширкати ҳавопаймоии «Сомон Эйр», оҷонсии сайёҳии «Скай Тур» ва меҳмонхонаи «Ҳайят Реҷенси» дар ҳамдастӣ бо Кумитаи рушди сайёҳии назди Ҳукумати Ҷумҳурии Тоҷикистон роҳандозӣ шуда буд, анҷом ёфт.
Тавре ба мухбири АМИТ «Ховар» аз ширкати ҳавопаймоии «Сомон Эйр» хабар доданд, лоиҳа бо мақсади ҷалби сайёҳони хориҷӣ ба Тоҷикистон ва таблиғи кишварамон дар саросари ҷаҳон тарҳрезӣ шуда, дар доираи он барои 11 нафар намояндагони оҷонсиҳои сайёҳӣ, блогерҳо ва хабарнигорон аз Швейтсария, Амороти Муттаҳидаи Араб, Арабистони Саудӣ, Кувайт, Россия ва Қазоқистон барномаи васеи боздид аз манотиқи гуногуни Тоҷикистон пешбинӣ гардида буд.
Дар доираи лоиҳа иштирокдорон табиати зебо ва мавзеъҳои шаҳри Душанбе, Ҳисор, Кӯлоб, навоҳии Дарвозу Восеъ, Данғара, шаҳри Норак, водии Зарафшон, шаҳри Панҷакент ва дигар минтақаҳои ҷумҳуриро тамошо карданд.
Инчунин зикр гардид, ки дар расми хотимавӣ намояндагони кумитаи тадорукоти лоиҳа – сардори хадамоти роҳбаладони ширкати ҳавопаймоии «Сомон Эйр» Бригитта Уэйрэм, директор оид ба маркетинги оҷонсии сайёҳии «Скай Тур» Тахмина Баҳронова, ҳамчунин муовини раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода иштирок намуданд.
Инчунин ҳайати меҳмонони хориҷӣ таассуроти худро баён намуда, иброз доштанд, ки «Тоҷикистон кишвари зебову нотакрор буда, фарҳанги бою мардуми меҳмоннавоз ва иқтидори бузург барои рушди туризм дорад».
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
