Нисбат ба афроде, ки аз супоридани алимент саркашӣ менамоянд, парвандаи ҷиноятӣ боз карда мешавад

Октябрь 2, 2017 15:35

ДУШАНБЕ, 02.10.2017 /АМИТ «Ховар»/. Дар оянда дар Тоҷикистон  нисбат ба шахсоне, ки аз супоридани алимент саркашӣ менамоянд, парвандаи ҷиноятӣ  боз карда мешавад.       Дар ин росто 2 октябр вакилони палатаи поёнии    Парлумон ба Кодекси ҷиноятии Ҷумҳурии Тоҷикистон тағйиру иловаҳо ворид намуданд.

Рустам Шоҳмурод, Вазири адлияи Ҷумҳурии Тоҷикистон,   ки масъалаи мазкурро дар назди вакилон тавзеҳ дод, гуфт, ки лоиҳаи мазкур бо мақсади аз байн бурдани мухолифати қонунгузорӣ ва муҳофизати манфиатҳои қонунии фарзандони ноболиғ ва падару модари ғайри қобили меҳнат, инчунин иҷрои санадҳои судӣ таҳия шудааст. Вазири адлия афзуд, ки дар асоси моддаи 178 – и Кодекси ҷиноятии Ҷумҳурии Тоҷикистон шахсоне, ки  дар зарфи се моҳ аз пардохти алимент барқасдона саркашӣ менамоянд, ба муҳлати то се сол  аз озодӣ маҳрум карда мешаванд.

Дар ҷаласаи Парлумон ҳамзамон ба лоиҳаи Қонуни Ҷумҳурии Тоҷикистон «Дар бораи уҳдадории умумии ҳарбӣ ва хизмати ҳарбӣ» тағйирот ворид карда шуд.

Муовини аввали раиси Кумитаи давлатии амнияти миллии Ҷумҳурии Тоҷикистон Мансур Умаров масъалаи  мазкурро  шарҳ дода, гуфт, ки «ҳадаф аз ворид намудани тағйирот ба қонуни мазкур барқарор намудани ҳуқуқҳои хизматчиёни ҳарбие, ки бо сабаби тағйироти ташкилию штатӣ рухсат шудаанд, маҳсуб мешавад».

Октябрь 2, 2017 15:35

Хабарҳои дигари ин бахш

Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ИҶЛОСИЯИ XVI ШУРОИ ОЛӢ ВА РӮЗИ ПРЕЗИДЕНТ. Таҳлили ҳуқуқии мафҳумҳои конститутсионӣ ва таърихии давлатдорӣ
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд