«Рўзи Мавлоно» дар Театри опера ва балети ба номи С.Айнӣ таҷлил гардид
ДУШАНБЕ, 02.10.2017 /АМИТ «Ховар»/. Ҳамасола 30-юми сентябр дар Тоҷикистон «Рўзи Мавлоно Ҷалолиддин Муҳаммади Балхӣ» бо тантана ҷашн гирифта мешавад. Имсол низ ин ҷашн дар тамоми минтақаҳои ҷумҳурӣ таҷлил шуд.
Дар Театри опера ва балети ба номи С. Айнӣ бузургдошти Мавлоноро бо шаҳомати хосса таҷлил карданд. Ташкилкунандагони маҳфил Вазорати фарҳанги Ҷумҳурии Тоҷикистон, Вазорати маориф ва илми Ҷумҳурии Тоҷикистон, Академияи илмҳои Ҷумҳурии Тоҷикистон, Кумитаи забон ва истилоҳоти назди Ҳукумати Ҷумҳурии Тоҷикистон, Иттифоқи нависандагони Ҷумҳурии Тоҷикистон буданд.
Тавре ба АМИТ «Ховар» аз Академияи илмҳои Ҷумҳурии Тоҷикистон иттилоъ доданд, маҳфил бо сухани Ёрдамчии Президенти Ҷумҳурии Тоҷикистон оид ба масъалаҳои иҷтимоӣ ва робита бо ҷомеа академик Абдуҷаббор Раҳмонзода оғоз гардид.
Сипас ходими калони илмии шуъбаи адабиёти классикии Институти забон ва адабиёти ба номи Рўдакии Академияи илмҳои Ҷумҳурии Тоҷикистон Ҷамолиддин Саидзода ва узви Раёсати Иттифоқи нависандагон Рустами Ваҳҳоб доир ба осори безаволи Мавлонои Балхӣ изҳори ақида намуданд.
Дар маҳфили Мавлоно шоирон Муҳаммад Ғоиб, Ато Мирхоҷа, Муҳаммадалии Аҷамӣ аз ашъори Ҷалолиддини Балхӣ шеърҳо қироат карданду ҳунарпешаҳои маъруф Қурбоналӣ Раҳмон, Ҷурабек Назрӣ ва Муродбеки Насриддин сурудҳоро бар матни Ҷалолиддини Балхӣ иҷро карданд.
Мавлавии Балхӣ дар садаи 21 ягона нобиғаи Машриқзамин аст, ки башар бидуни шакку шубҳа осори арзишманди ўро дар саросари ҷаҳон мутолиа мекунад. Бахусус, «Маснавии маънавӣ» аз зумраи асарҳоест, ки ҷаҳониён, новобаста аз мансубияти милливу динӣ онро таҳқиқ мекунанд ва ин асари арзишмандро ба наздикону ақрабои хеш барои мутолиа тавсия медиҳанд.
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
Дар Тоҷикистон филми бо истифодаи зеҳни сунъӣ офаридаи коргардони тоҷик соҳиби ҷоизаи миллӣ шуд
«ТОҶИКИСТОН—КИШВАРИ ЁДГОРИҲОИ НОДИР». Ёдгориҳои таърихӣ ва мероси фарҳангии тоҷикон дар шаҳри Рим муаррифӣ гардиданд
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
