«16 РӮЗИ МУБОРИЗА БАР ЗИДДИ ЗӮРОВАРИИ ГЕНДЕРӢ». Алайҳи хушунат бояд дастаҷамъона мубориза бурд!
ДУШАНБЕ, 28.11.2017 /АМИТ «Ховар»/. Имрӯз дар Муассисаи давлатии «Душанбе-Плаза» дар доираи маъракаи байналмилалии «16 рӯзи мубориза бар зидди зӯроварии гендерӣ» дар мавзӯи «Роҳҳои устувори иҷрои Қонуни Ҷумҳурии Тоҷикистон «Дар бораи пешгирии зӯроварӣ дар оила»: мушкилот ва дурнамо» ҷамъомад баргузор гардид.
Ҳамоиши мазкур бо ташаббуси мақомоти иҷроияи ҳокимияти давлатии шаҳри Душанбе бахшида ба Рӯзи байналмилалии мубориза алайҳи хушунат нисбат ба занон (25 ноябр) баргузор гардида, дар он намояндагони Кумитаи кор бо занон ва оилаи назди Ҳукумати Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Муассисаи давлатии «Маркази худшиносии бонувон дар шаҳри Душанбе», Муасисаи давлатии «Маркази миллии тиббии Ҷумҳурии Тоҷикистон» ва Сарраёсати маорифи шаҳри Душанбе иштирок доштанд.
Дар ҷамъомад иштирокчиён фаъолияти Муассисаи давлатии «Маркази худшиносии бонувон дар шаҳри Душанбе» дар самти коҳиш додани хушунату зӯроварӣ дар оилаҳо, тартиби равонасозии ҷабрдидагони зӯроварӣ ба ҳуҷраҳои барқарорсозӣ ва самтҳои асосии фаъолияти мутахассисон дар ҳуҷраҳои мазкур, роҳҳои устувори ҷалби духтарон ба таҳсилоти олӣ, омилҳои иҷтимоиву демографии зӯроварӣ дар оила ва пешгирии онро муҳокима намуданд.
Зикр шуд, ки оила асоси ҷамъият буда, таҳти ҳифзи махсуси қонун ва давлат қарор дорад. Қабл аз ҳама, ташаккули шахсият дар рӯҳияи инсондӯстӣ, эҳтиром ва риояи ҳуқуқу озодиҳои инсон ва шаҳрванд, мавқеъ ва масъулияти шаҳрвандӣ ба он вобастаанд. Бар зидди зӯроварӣ дар оила ва барои ҳалли ин мушкилот бояд дастаҷамъона мубориза бурд.
Бояд зикр намуд, ки маъракаи «16 рӯзи мубориза бар зидди зӯроварии гендерӣ» дар тамоми кишварҳо бо қарори махсуси СММ 25 ноябр оғоз шуда, 10 декабр анҷом меёбад.
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
