60 нафар кӯдакон ва наврасони гирифтори бемории нуқсони модарзодии дил ба таври ройгон ҷарроҳӣ карда шуданд
ДУШАНБЕ, 04.11.2017 /АМИТ «Ховар»/. Ҳафтаи ҷарроҳии дил миёни кӯдакон ва наврасони 18-солаи гирифтори бемориҳои нуқсони модарзодии дил ҷамъбаст гардид. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Хотиррасон менамоем, ки аз 25 октябр то 3 ноябри соли равон бо ташаббуси Ҳукумати Ҷумҳурии Тоҷикистон дар ҳамбастагӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, кумаки Фонди хайриявии «Лона», инчунин зери сарпарастии Муассисаи «Муҳаммад бин Рошид ибни Мактум»-и Амороти Муттаҳидаи Араб дар Маҷмааи тандурустии «Истиқлол» гузаронидани ҷарроҳиҳои дил миёни кӯдакон ва наврасони то 18-сола ба таври ройгон сурат гирифт.
Бино ба иттилои манбаъ, иқдоми мазкур бо мақсади дастгирӣ ва кумак ба нафарони камбизоат рӯи даст гирифта шуда, баҳри баргузор намудани ҷарроҳиҳои дил ва солимгардонии кӯдакону наврасони то 18-сола зиёда аз 23 нафар мутахассисони варзидаи соҳаи ҷарроҳии дилу рагҳо аз 13 кишвари ҷаҳон, аз қабили Арабистони Саудӣ, Канада, Судон, Австралия, Покистон, Ҳиндустон, Миср ва ғайра ҷамъ омаданд. Ҳамчунин зимни гузаронидани ҷарроҳиҳо миёни кӯдакону наврасони гирифтори бемориҳои нуқсони дили то 18-сола мутахассисони варзидаи тоҷик низ ҷалб гардиданд.
Бояд зикр намуд, ки дар ин ҳафта зиёда аз 60 нафар, ки аз бемории нуқсони модарзодии дил зери хатар қарор доштанд, ба тариқи ройгон ва дар сатҳи баланд ҷарроҳӣ карда шуданд.
Ба иттилои дастрас, тайи як ҳафтаи ҷарроҳиҳо миёни кӯдакону наврасони гирифтори бемориҳои нуқсони дил 400 нафар аз ташхиси тиббӣ гузаронида шуда, дар ин давра нафарони зери хатар қарордошта ҷарроҳӣ карда шуданд.
Манбаъ хабар дод, ки давраи навбатии ройгон ҷарроҳӣ намудани кӯдакони камбизоати гирифтори бемории нуқсони модарзодии дил моҳи феврали соли 2018 сурат хоҳад гирифт.
Китобҳои «Президент, истиқлол, ваҳдат, маориф» ва «Муаррифгари миллати тоҷик» ба табъ расиданд
Кормандони Мақомоти иҷроияи ҳокимияти давлатии ноҳияи Шоҳмансур суханронии Президенти Тоҷикистонро бахшида ба Рӯзи Дониш дастҷамъона тамошо намуданд
«БО АТЛАСУ АДРАСУ ЧАКАН ЯКТОӢ». Либоси миллӣ байни тӯфонҳои шадиди ҳазорсолаҳо ба ин покӣ ҳифз гардид
Бахшида ба Рӯзи дониш дар Донишгоҳи давлатии Бохтар ҷамъомади тантанавӣ доир шуд
Дар роҳи Душанбе-Кӯлоб-Хоруғ-Кулма сохтмони долони зиддитармавӣ ва пули мошингузар босуръат идома дорад
Имрӯз дар шаҳри Душанбе ҳаво то 35 дараҷа гарм мешавад
Ба 80 хонандаи ниёзманди ноҳияи Айнӣ либоси мактабӣ тақдим гардид
«БЕҲТАРИН ШАХСИ ҲУҚУҚДОН». Таҳти чунин унвон дар ноҳияи Фирдавсии пойтахт озмун доир мегардад
Дар Душанбе ҷаласаи IX Шурои байнидавлатии муқовимат ба коррупсия доир мегардад
Дар Маркази мероси хаттӣ бахшида ба Истиқлоли давлатӣ ҳамоиши илмӣ баргузор шуд
Имрӯз дар ноҳияҳои кӯҳии Тоҷикистон ҳаво то 32 дараҷа гарм мешавад
СОЛИ МАЪРИФАТИ ҲУҚУҚӢ. Барои расидан ба саодати миллӣ бояд меъёрҳои қонунҳо риоя гардад
