Гурбонгулӣ Бердимухамедов дар Осорхонаи миллии Тоҷикистон ба санъати гулдӯзӣ таваҷҷуҳи махсус зоҳир намуд
ДУШАНБЕ, 03.11.2017 /АМИТ «Ховар»/. «Меҳмони фахрӣ»-и навбатии Осорхонаи миллии Тоҷикистон — Президенти Туркманистон Гурбонгулӣ Бердимуҳамедов ба санъати гулдӯзӣ, чакандӯзӣ ва кашидадӯзӣ таваҷҷуҳи хосса зоҳир намуд. Пас аз тамошои гӯшаи ҳунарҳои дастии Осорхона Гурбонгулӣ Бердимуҳамедов зикр намуд, ки «фарҳанги мардуми точику туркман ба якдигар хеле қаробат доранд ва ҳамин фарҳанг аст, ки моро боз ҳам ба ҳам наздиктар месозад».
Роҳбарияти Осорхона ба меҳмони олиқадр иттилоъ дод, ки гулдӯзӣ аз қадимтарин навъи санъати халқи тоҷик буда, бо сӯзан ва чангакчаҳои махсуси гулдӯзӣ дар рӯи матоъҳои гуногун бо ресмонҳои пахтагӣ, пашмӣ, абрешимӣ ва нахҳои зариву нуқрагӣ, инчунин бо сангҳои қиматбаҳо, шадаи майда, мӯҳраҳои реза, пулакчаҳои рахшон, тангаҳо, марҷону марворидҳо дастӣ иҷро карда мешавад.
Ҳамзамон Президенти Туркманистон Гурбонгулӣ Бердимуҳамедов бо ёдгориҳо ва нигораҳои таърихие, ки бозгӯкунандаи давраҳои гуногуни таъриху фарҳанги миллати тоҷиканд, шинос шуд.
Ҳамин тариқ, ба меҳмони олимақом дар бораи таърихи Панҷакенти қадим, Тахти сангин ва дигар ёдгориҳои таърихиву фарҳангии халқи тоҷик маълумот дода шуд.
Президенти Туркманистон зимни баёни таассуроташ чунин иброз намуд: «Мо бояд ифтихор кунем, ки миллатҳои мо дорои чунин таъриху фарҳанги бою пурғановат ҳастанд. Ва вазифадорем, ки мисли аҷдодонамон онҳоро ҳифз намуда, ба ояндагон ба мерос гузорем».
Сипас, ҳамчун рамзи эхтиром ба мардуми точик ва Тоҷикистон аз ҷониби меҳмони олимақом ба Осорхонаи миллии Тоҷикистон тухфаҳои хотиравӣ супорида шуд. Дар охир Президенти Туркманистон Гурбонгулӣ Бердимуҳамедов дар китоби «Меҳмонони фахрӣ»-и Осорхонаи миллии Тоҷикистон соядаст гузошт.
Меҳмони олиқадрро муовини аввали Сарвазири Ҷумхурии Тоҷикистон Давлаталӣ Саид, рохбарони Академияи илмҳо ва Кумитаи кор бо занон ва оилаи кишвар ҳамроҳӣ карданд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
