БОНКИ МИЛЛИИ ТОҶИКИСТОН: таваррум моҳи ноябри соли 2017 ба ҳадафи нишондиҳандаи мақсаднок баробар гардид
ДУШАНБЕ, 14.12.2017 /АМИТ «Ховар»/. Тибқи маълумоти омори расмӣ, сатҳи таваррум дар моҳи ноябри соли равон 0,3 фоизро ташкил намуд, ки нисбат ба ҳамин давраи соли гузашта 0,3 банди фоизӣ кам мебошад. Дар ин бора аз Бонки миллии Тоҷикистон хабар доданд.
Бино ба иттилои манбаъ, раванди тағйирёбии сатҳи нархҳо моҳи ноябри соли равон муътадил боқӣ монда, асосан дар натиҷаи таъсири омилҳои мавсимӣ ва коҳиши нархҳои баъзе намуди хизматрасониҳо ба вуқӯъ пайваст.
Аз аввали соли равон (январ-ноябр) сатҳи таваррум дар муқоиса бо ҳамин давраи соли гузашта ба андозаи 0,5 банди фоизӣ афзоиш ёфта, 6,3 фоизро ташкил дод. Тибқи ҳисобҳо, дар таварруми ҳосилшуда саҳми маҳсулоти хӯрокворӣ 4,3 банди фоизӣ, маҳсулоти ғайрихӯрокворӣ 1,0 банди фоизӣ ва хизматрасониҳо 1,0 банди фоизиро ташкил намуд.
Таварруми солона (дар 12 моҳи охир) моҳи ноябр ба 6,7 фоиз баробар шуда, тадриҷан ба сатҳи нишондиҳандаи дурнамои он барои соли 2017 ва нишондиҳандаи мақсадноки таваррум барои давраи миёнамуҳлати муайяншуда наздик шуд.
Моҳҳои охир дар натиҷаи ба мувозинат омадани унсурҳои талаботу таклифот муътадилгардии нархҳои баъзе маҳсулоти серистеъмоли хӯрокворӣ мушоҳида мегардад. Дар баробари ин, ба раванди мазкур сиёсати фаъоли зиддитаваррумии монетарӣ ва коҳиши хавфҳои асъорӣ, ки боиси нисбатан коҳиш ёфтани интизориҳои таваррумӣ ва сатҳи таваррум гардид, таъсири мусбат расонид.
Аз рӯи таҳлилҳо ва дурнамо интизор меравад, ки сатҳи таваррум то охири соли равон дар доираи нишондиҳандаи пешбинишуда (7,0 фоиз) ҷамъбаст гардад.
Бонки миллии Тоҷикистон минбаъд низ ҷиҳати татбиқи сиёсати самарабахши пулию қарзӣ ва ноил гардидан ба сатҳи муътадили нархҳо дар давраи миёнамуҳлат тадбирҳои зарурӣ меандешад.
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
