Суди ноҳияи Рӯдакӣ як сокини ноҳияро барои дар ҳолати мастӣ идора намудани воситаи нақлиёт 15 ҳазор сомонӣ ҷарима намуд
РӮДАКӢ, 20.12.2017 /АМИТ «Ховар»/. Суди ноҳияи Рӯдакӣ сокини Ҷамоати деҳоти Чимтеппаи ноҳия Ҳомидҷон Солиевро барои дар ҳолати мастӣ идора намудани воситаи нақлиёташ дар асоси моддаи 332-и Кодекси ҳуқуқвайронкунии маъмурии Ҷумҳурии Тоҷикистон гунаҳкор дониста, нисбат ба ӯ бо ин модда ҷазои маъмурии ҷарима ба андозаи сесад нишондиҳанда, баробар ба 15 ҳазор сомонӣ таъйин намуд. Суд ҳамчунин Ҳомидҷон Солиевро аз ҳуқуқи идораи воситаҳои нақлиёт ба муҳлати 5 сол маҳрум кард. Дар ин бора муовини раиси Суди ноҳияи Рӯдакӣ Зарина Солеҳзода ба хабарнигори АМИТ «Ховар» иттилоъ дод.
Ҷавобгар Ҳомидҷон Солиев оиладор, соҳиби 6 фарзанд буда, муваққатан бекор мебошад, вале ба ин мушкилоти зиндагиаш нигоҳ накарда, ба майнӯшӣ даст зада, воситаи нақлиётро дар ҳолати мастӣ дар ҷойи ҷамъиятӣ идора намудааст. Ӯ дар ин ҳолат аз тарафи нозирони ШБДА ШВКД-1 дар ноҳияи Рӯдакӣ дастгир карда шуд.
Зарина Солеҳзода гуфт, ки Суди ноҳияи Рӯдакӣ соли равон бо моддаи 332 барои дар ҳолати мастӣ бе ҳуҷҷати ронандагӣ идора намудани воситаҳои нақлиёт ва моддаи 337-и Кодекси ҳуқуқвайронкунии маъмурӣ 198 парвандаро баррасӣ намудааст, ки аз ин шумора 32 парванда пас аз ворид шудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон баррасӣ гардидаанд.
Инчунин Суди ноҳияи Рӯдакӣ соли равон бо сабаби иҷро накардани талаботи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» 33 нафар сокинони ноҳияро бо моддаи 481-и Кодекси ҳуқуқвайронкунии маъмурии Ҷумҳурии Тоҷикистон гунаҳгор дониста, нисбат ба онҳо ҷазои маъмурии ҷарима таъйин намуд.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
