Зиёда аз 580 нафар сарбозони Қӯшунҳои сарҳадӣ савганд ёд карданд
ДУШАНБЕ, 13.12.2017. /АМИТ «Ховар»/. Дар Маркази таълимии «Ҳалқаёр»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон зиёда аз 580 нафар сарбозони даъвати тирамоҳии соли 2017 бо баровардани байрақи ҷангӣ дар маросими тантанавӣ савганд ёд карданд.
Дар ин бора сардори маркази матбуоти Қӯшунҳои сарҳадии КДАМ Муҳаммад Улуғхоҷаев ба АМИТ «Ховар» хабар дод.
Ба иттилои номбурда, дар маросими тантанавии савгандёдкунӣ роҳбарияти ноҳияи Панҷ, қӯшунҳои сарҳадӣ, ҳайати шахсии маркази таълимӣ, собиқадорон, падару модарон ва меҳмонон иштирок намуда, дар таҳсилу хизмати оянда ба наваскарон муваффақият орзу намуданд. Зикр гардид, ки мубориза бар зидди ҳама гуна хатарҳои эҳтимолӣ, бахусус терроризми байналмилалӣ, экстремизми сиёсӣ ва дигар зуҳуроти номатлуб аз ҳар афсару сарбоз омодагии доимии ҳарбиро тақозо менамояд. Вазифаи аввалиндараҷаи ҳар як хизматчии ҳарбӣ- ин садоқат ба Ватан ва савганди ҳарбӣ мебошад.
Хизмат ба Ватан бояд барои ҳар сарбозу афсар ифтихору шараф бошад ва онҳо Ватанро ҳамчун модари худ дӯст дошта, мисли гавҳараки чашм эҳтиёт намоянд.
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
