«Бонувон-эҳёгару идомабахши фарҳанги миллии ниёгон»-ҳамоиш дар ноҳияи Нуробод
НУРОБОД, 25.01.2018 /АМИТ «Ховар»/. Дар Мақомоти иҷроияи ҳокимияти давлатии ноҳияи Нуробод бахшида ба Соли рушди сайёҳӣ ва ҳунарҳои мардумӣ бо иштироки занону духтарони фаъоли ноҳия таҳти унвони «Бонувон-эҳёгару идомабахши фарҳанги миллии ниёгон» ҳамоиш баргузор гардид. Дар ин бора ба хабарнигори АМИТ «Ховар» мудири бахши кор бо занон ва оилаи ноҳияи Нуробод Шаҳнозаи Шукрихудо иттилоъ дод.
Дар ҷамъомад бонувони гуногункасб иброз намуданд, ки дастгирию ғамхориҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон онҳоро водор месозад, ки барои аз нав эҳё кардани ҳунару анъанаҳои хосси занони ноҳия саъю кӯшиши худро равона созанд. Занони фаъол изҳор намуданд, ки барои рушди ҳунарҳои мардумӣ, аз қабили санъати чакандӯзӣ, қарамадӯзӣ, гулдӯзӣ, тоқидӯзӣ, шерозбофӣ ва дигар ҳунарҳо саҳм гузошта, Тоҷикистонро дар арсаи байналмилалӣ муаррифӣ менамоянд.
Мудири бахши кор бо занон ва оилаи ноҳия Шаҳнозаи Шукрихудо зикр намуд, ки бо мақсади ҷалби бештари занони хонанишин ба кор, соли сипаригашта аз тарафи шуъбаи Агентии меҳнат ва шуғли аҳолии ноҳия дар ҷамоатҳои деҳоти Сафедчашма ва шаҳраки Дарбанд курсҳои омӯзишии қолинбофӣ ва адрасбофии дастӣ ташкил карда шуданд. Дар онҳо зиёда аз 80 нафар занону духтарони хонанишин соҳиби касб ва 8 нафар занони бекор бо шуғли доимӣ таъмин гардиданд.
Инчунин дар Муассисаи давлатии Маркази таълимии касбомӯзии ноҳия 524 нафар занон бо ихтисосҳои «Ошпаз», «Бофанда» (адрасбоф), «Гулдӯз», «Фермер-соҳибкор» ба омӯзиш ҷалб гардидаанд.
То имрӯз аз ҳисоби хатмкардагони касби дӯзандагӣ 188 нафар бону дар ҳудуди ноҳия ба кори хонагии дӯхтани либосҳои занона машғул мебошанд.
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
