Чаро Тоҷикистон дар Бозиҳои XXIII зимистонаи олимпӣ ширкат намекунад?
ДУШАНБЕ, 30.01.2018 /АМИТ «Ховар»/. 9 феврали соли равон дар шаҳри Пёнчанги Ҷумҳурии Корея маросими ифтитоҳи Бозиҳои XXIII зимистонаи олимпӣ баргузор гардида, он то 25 феврал идома меёбад. Дар бозиҳои зимистонаи олимпӣ аз рӯи 15 намуди варзиш наздик ба 2900 варзишгар аз 90 давлати дунё иштирок мекунанд.
Тавре ба АМИТ «Ховар» аз Кумитаи миллии олимпии Тоҷикистон хабар доданд, дастаи Тоҷикистон дар Бозиҳои зимистонаи олимпии соли 2018 иштирок намекунад.
Ба иттилои манбаъ, бо дастгирии Ассотсиатсияи миллии намудҳои зимистонаи варзиш дар ҳамкорӣ бо Кумитаи миллии олимпӣ дастаи лижаронии Тоҷикистон аз ҳисоби сокинони маҳаллӣ дар ҳайати 6 нафар таъсис дода шуда, ба мусобиқаҳои байналмилалӣ ҷиҳати ба даст овардани имтиёзҳо сафарбар гардид. 4 нафари онҳо аввали сол дар Бозиҳои зимистонаи Осиё, ки дар шаҳри Саппорои Япония баргузор шуд, иштирок карда, натиҷаи хуб нишон доданд.
Тибқи нақша даста бояд дар 50 мусобиқа иштирок мекард, вале бо сабаби номусоидии ҳаво 20 мусобиқа дар ҷумҳуриҳои Покистон, Ҳиндустон ва Эрон доир нагардиданд, ки боиси холи зарурӣ ба даст наовардани варзишгарони тоҷик шуд. Аз ин рӯ дастаи Тоҷикистон наметавонад дар Бозиҳои зимистонаи олимпии соли 2018 иштирок кунад.
Гуфта мешавад, ки ҳоло ду варзишгари тоҷик бо имконияти маҳдуд дар Ҷумҳурии Германия ва Ҷумҳурии Мардумии Чин тамрин мекунанд. Дар назар аст, ки онҳо рӯзҳои наздик барои иштирок дар мусобиқаҳои интихобӣ сафарбар гарданд.
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
