Донишгоҳи технологӣ бо 12 муассисаи таҳсилоти олии хориҷӣ шартномаи ҳамкорӣ дорад
ДУШАНБЕ, 26.01.2018 /АМИТ «Ховар»/. Бо қарори Шӯрои Комиссияи аттестатсионии Ҷумҳурии Тоҷикистон дар Донишгоҳи технологии Тоҷикистон дар тӯли 27 сол аввалин маротиба Шӯрои диссертатсионӣ таъсис дода шуд, ки бо се самт- мошинҳо ва таҷҳизоти технологӣ, технологияи маҳсулоти хӯрокӣ, технологияи маводи нассоҷӣ ва 5 ихтисоси аспирантура фаъолият мекунад. Ин нуктаро имрӯз зимни нишасти матбуотӣ ректори Донишгоҳи технологии Тоҷикистон Илҳом Амонзода баён дошт.
Ба иттилои Илҳом Амонзода, Шӯрои диссертатсионие, ки дар донишгоҳ ташкил ёфт, аз рӯйи ихтисосҳои дар боло зикргардида дар Ҷумҳурии Тоҷикистон аввалин аст. Ин Шӯро барои баланд бардоштани малакаи касбӣ ва сатҳи илмии кормандони на танҳо Донишгоҳи технологии Тоҷикистон, балки дигар донишгоҳҳои ҷумҳурӣ низ мусоидат хоҳад кард.
Дар нишаст зикр карда шуд, ки ҳоло фаъолияти байналмилалии Донишгоҳи технологии Тоҷикистон дар ҳамкории судманд бо зиёда аз 73 муассисаи таҳсилоти олии касбӣ, созмонҳо ва марказҳои таълимии кишварҳои хориҷӣ ба роҳ монда шудааст.
Илҳом Амонзода гуфт, ки соли сипаригардида Донишгоҳ бо 12 муассисаи таҳсилоти олии касбии кишварҳои хориҷӣ ва созмону ширкатҳо шартномаи ҳамкорӣ ба имзо расонид. Натиҷаи ҳамин буд, ки донишгоҳ 33 нафар донишҷӯи хатмкардаро аз рӯйи ихтисосҳои техникию технологӣ моҳи сентябри соли 2017 барои таҳсил ба магистратураи Донишгоҳи технологияҳои иттилоотӣ, оптика ва механикаи шаҳри Санкт-Петербург ва Донишгоҳи техникаи электронии шаҳри Москва ва 2 нафарро ба аспирантура ба хориҷи мамлакат равон намуд.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
