Мулоқоти Сафири Тоҷикистон бо раиси Китобхонаи миллии Миср
ДУШАНБЕ, 05.01.2018 /АМИТ «Ховар»/. 4 январи соли 2018 Сафири Тоҷикистон дар Қоҳира Хусрав Нозирӣ бо раиси Шӯрои мудирони Китобхона ва бойгонии миллии Миср Аҳмад Шавкӣ дидору гуфтугӯ намуд. Дар ин бора ба АМИТ «Ховар» аз Сафорати Тоҷикистон дар Қоҳира хабар доданд.
Ба иттилои манбаъ, масъалаҳои барқарор намудан ва густариш додани ҳамкорӣ байни китобхонаҳову маркази дастхатҳои ду кишвар меҳвари асосии мулоқот буда, дар он Аҳмад Шавкӣ пешниҳод намуд, ки байни Китобхона ва бойгонии миллии Миср ва ниҳодҳои ҳамтои он дар Тоҷикистон ёддошти тафоҳуми ҳамкорӣ ба имзо расад.
Ёдовар мешавем, ки Китобхонаи миллии Миср бо фармони Хидев Исмоил 23 марти соли 1870 ба манзури ҳифзи дастхатҳои арабӣ ва шарқӣ таъсис ёфт. Ҳоло дар Китобхонаи мазкур беш аз 57 ҳазор дастхати гаронбаҳо нигаҳдорӣ мешаванд. Дар он ганҷинаи дастхатҳои форсӣ-тоҷикӣ ҷойгоҳи махсус дошта, теъдоди он тақрибан ба 10 ҳазор дастхат мерасад. Аз ҷумла, 71 дастхати нодири форсӣ-тоҷикии мусаввар, ки таърихи китобат ва тасвири онҳо қарнҳои XIV ва XIX мелодиро фаро мегирад, дар ин ҷо маҳфузанд.
Имрӯз дар Тоҷикистон ҳавои тағйирёбанда дар назар аст
Имрӯз дар Тоҷикистон фаромадани туман ва сар задани тарма пешгӯӣ мешавад
Имрӯз дар Тоҷикистон бориши барфу борон пешгӯӣ мешавад
Дар Душанбе доир ба Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олӣ ҳамоиш баргузор шуд
Имрӯз дар баъзе ноҳияҳои Тоҷикистон бориши борону барф дар назар аст
«ОЛИҲАИ МЕҲР». Маҷмуа ба мақоми занони фаъоли тоҷик дар рушди ҷомеа бахшида шудааст
«Анор» сокинони Душанберо хушҳол намуд
Дар вилояти Суғд бо собиқадорони меҳнат вохӯрӣ баргузор шуд
ДАРАХТ БИШНОН! Дар шоҳроҳи Душанбе — Варзоб беш аз 500 бех ниҳоли санавбар шинонида шуд
Имрӯз дар ноҳияҳои кӯҳии Тоҷикистон барф меборад
Дар академияи зимистонаи «Ҳаво» масъалаҳои мутобиқшавӣ ба тағйирёбии иқлим баррасӣ шуданд
Дар шаҳри Ҳисор ба маъюбон аробачаи маъюбӣ дастрас карда шуд
