«Рушди сайёҳӣ — омили пешрафти иқтисодиёти миллӣ»-конференсияи сайёҳӣ дар ноҳияи Дарвоз

Январь 12, 2018 16:28

ДУШАНБЕ, 12.01.2018 /АМИТ «Ховар»/. Рушди соҳаи сайёҳӣ  омили муҳими таъсиси ҷойҳои корӣ  ва баланд бардоштани сатҳи некуаҳволии мардум ба шумор рафта,  таъриху фарҳанг, табиат, обҳои мусаффою шифобахш, анъанаҳо ва хӯрокҳои миллии миллати тоҷикро дар арсаи байналмилалӣ муаррифӣ менамояд. Ин нуктаро муовини якуми раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода зимни Конференсияи сайёҳӣ, ки таҳти унвони «Рушди  сайёҳӣ- омили пешрафти иқтисодиёти миллӣ»  дар ноҳияи Дарвоз баргузор гардид, таъкид намуд.

Тавре сардори маркази матбуоти Кумита Абдукарим Қурбонов ба АМИТ «Ховар» хабар дод, дар конференсия намояндагони  мақомоти иҷроияи ҳокимияти давлатии ноҳияи Дарвоз, соҳибкорон, роҳбарони меҳмонхонаҳо, осоишгоҳҳо, ҳунармандони маҳаллӣ  ва ҷавонони фаъол иштирок доштанд.

Ба иттилои манбаъ, қабл аз баргузории ҷамъомад бахшида ба Соли рушди сайёҳӣ ва ҳунарҳои мардумӣ маҳсули дасти ҳунармандони ноҳия,  аз қабили гулдӯзӣ, қуроқдӯзӣ, сӯзанидӯзӣ ба маъраз гузошта шуд.

Дар конференсия зикр гардид, ки ноҳияи Дарвоз дар қисмати ҷануби  ВМКБ ҷойгир буда, дарвозаи Бадахшон маҳсуб меёбад ва тавассути ин ноҳия сайёҳони дохилию хориҷӣ ба шаҳру ноҳияҳои дигари вилоят ворид мегарданд.

Вобаста ба имкониятҳои сайёҳии ин минтақа зикр шуд, ки дар ноҳия як шаҳри қадимӣ бо номи Карон, ки таърихи беш аз 4000-сола дорад ва зиёда аз 25  мавзеи таърихиву фарҳангӣ мавҷуданд, ки диққати сайёҳонро ба худ ҷалб менамоянд.

Ба иттилои масъулини ноҳия, дар ҳудуди ноҳия 8 адад меҳмонхонаҳои дорои шароити муносиб ва тарабхонаҳо ба сайёҳон хизмат мерасонанд. Дар маҷмӯъ, минтақаи Дарвоз дорои имкониятҳои сайёҳӣ буда, бо таъриху фарҳанг, табиати нотакрор, обҳои мусаффою шифобахш ва анъанаҳои мардумӣ  таваҷҷуҳи сайёҳонро ба худ ҷалб кардааст.

Баъди конференсия иштирокдорон аз як зумра мавзеъҳои сайёҳии ноҳияи Дарвоз, аз ҷумла,  «Чорчаман», ҳомстейҳо, имкониятҳои хизматрасонии Ширкати сайёҳии «М. Сайёд», ки дар яке  аз мавзеъҳои кӯҳсори зебоманзари ноҳия ҷойгир аст, дидан намуданд.

Январь 12, 2018 16:28

Хабарҳои дигари ин бахш

Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
САЙЁҲӢ ДАР ТОҶИКИСТОН СОҲАИ ОЯНДАДОР АСТ. Мулоҳизаҳои ректори Донишгоҳи байналмилалии сайёҳӣ ва соҳибкорӣ Убайдулло Асрорзода
РУШДИ САЙЁҲӢ. Дар ноҳияи дурдасти Мурғоб се меҳмонхонаи замонавӣ ба истифода дода шуд
Кумитаи рушди сайёҳии Тоҷикистон ва Корпоратсияи рушди сайёҳии Покистон дар асоси «Харитаи роҳ» ҳамкориро вусъат мебахшанд
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
ҶАШНИ ТИРГОН. Он ҳамчун воситаи маъмули сайёҳии миллӣ муаррифӣ гардид
Ҳайати Тоҷикистон дар Ҷаласаи гурӯҳи корӣ оид ба баланд бардоштани иқтидори сайёҳии минтақаи CAREC иштирок намуд
Тоҷикистон ва Ҳиндустон дар самти омода намудани мутахассисони соҳаи сайёҳӣ ҳамкориро густариш медиҳанд
«БАДАХШОН – ДАРВОЗАИ ТИЛЛОИИ ТОҶИКИСТОН». Суратгузориш аз Форуми сайёҳӣ дар шаҳри Хоруғ
«OH TAJIKISTAN». Дар Кумитаи рушди сайёҳӣ муаррифии видеролики таблиғотӣ доир гардид
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Имконияти сайёҳии Тоҷикистон дар Олмон муаррифӣ гардид