Ба Тоҷикистон бештар аз Россия, Туркманистон ва Қирғизистон маҳсулоти нафтӣ ворид гардидаанд

Февраль 16, 2018 09:46

ДУШАНБЕ, 16.02.2018 /АМИТ «Ховар»/. Тибқи маълумоти оморию гумрукӣ, соли сипаригардида ба ҷумҳурӣ 1 млн 014,5 ҳазор тонна гандум бо нархи миёнаи 195,00 доллари ИМА барои 1 тонна асосан аз Ҷумҳурии Қазоқистон ворид карда шудааст, ки ин нисбат ба соли 2016 19,6 ҳазор тонна ё 1,9 фоиз зиёд мебошад.

Сардори Хадамоти зиддиинҳисории назди Ҳукумати Ҷумҳурии Тоҷикистон Саъдӣ Қодирзода зимни нишасти матбуотӣ дар ин бора иттилоъ дода, гуфт, ки ба ҷумҳурӣ ба миқдори 113,2 ҳазор тонна шакар ворид гардидааст, ки нисбат ба соли гузашта 19,8 ҳазор тонна ё 21,1 фоиз зиёд мебошад. Аслан воридот дар бозори молӣ ба қадри 31 фоиз ба Федератсияи Россия ва 25,3 фоиз ба Ҷумҳурии Покистон рост меояд.

Ҳамзамон таъкид гардид, ки дар ин давра воридоти шакар дар минтақаҳои ҷумҳурӣ 72,8 фоиз ба вилояти Суғд, 25,3 фоиз ба вилояти Хатлон, 1,9 фоиз ба шаҳри Душанбе ва 0,013 фоиз ба шаҳри Турсунзода рост меояд. Дар бозорҳои ҷумҳурӣ тӯли ин давра нархи миёнаи фурӯши 1кг шакар аз 6,30 то 8,00 сомониро ташкил медод.

Инчунин соли 2017 ба мамлакат 426,1 ҳазор тонна маҳсулоти нафтӣ ворид гардидааст, ки аз ҳаҷми умумии воридоти он ба корхонаҳои коркарди нафти Федератсияи Россия 79,86 фоиз, ба Ҷумҳурии Туркманистон 6,22 фоиз, Ҷумҳурии Қирғизистон 8,56 фоиз ва боқимонда 5,36 фоиз ба дигар давлатҳо рост меояд.

Ба гуфтаи Саъдӣ Қодирзода, ба феҳристи субъекти хоҷагидоре, ки дар бозори мол мавқеи ҳукмфармоиро доро мебошад, дар миқёси ҷумҳурӣ аз рўи воридоти бензин ва сўзишвории дизелӣ се субъекти хоҷагидор- Ҷамъияти дорои масъулияти маҳдуди «Газпромнефт-Тоҷикистон», ҶДММ «Сеганҷ» ва Агентии захираҳои моддии давлатии назди Ҳукумати Ҷумҳурии Тоҷикистон шомил карда шудаанд, ки фаъолияти онҳо таҳти танзими зиддиинҳисорӣ қарор дорад.

Тибқи динамикаи нархи маҳсулоти сўзишворӣ нархи фурўши миёнаи 1 литр бензини Аи — 92 дар нуқтаҳои фурўши сўзишворӣ вобаста ба минтақаҳои ҷумҳурӣ аз 6, 60 то 7,10 сомониро ташкил медиҳад.

 

 

 

 

Февраль 16, 2018 09:46

Хабарҳои дигари ин бахш

Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд
Дар Тоҷикистон беш аз 45 миллион адад дору ва молҳои тиббӣ истеҳсол гардидаанд
Имрӯз дар Тоҷикистон ҳавои тағйирёбанда дар назар аст
28 июл дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
НИШАСТИ МАТБУОТӢ. Дар Тоҷикистон дар беш аз 526 ҳазор метри мураббаъ хонаҳои истиқоматӣ ба истифода дода шудаанд
Байни Маркази тадқиқоти стратегии назди Президенти Ҷумҳурии Тоҷикистон ва Институти миллии тадқиқоти амниятии Муғулистон Ёддошти тафоҳум ба имзо расид
Имрӯз дар Тоҷикистон ҳарорат ба 38 дараҷа мерасад
Имрӯз дар якчанд вазорату идораҳо нишастҳои матбуотӣ баргузор мегарданд
Тоҷикистон мубодилаи почтаро бо Русия барқарор намуд
Сокинони деҳаҳои Ҷамоати деҳоти Навободи шаҳри Турсунзода бо оби тозаи нӯшокӣ таъмин гардиданд
Барои кормандони мақомоти молияи минтақаи Рашт машварати омӯзишӣ гузаронида шуд
25 июл дар якчанд вазорату идораҳо нишастҳои матбуотӣ баргузор мегарданд