РӮЗҲОИ ЯПОНИЯ ДАР ДУШАНБЕ. Дар пойтахти Тоҷикистон Фестивали фарҳангии кишвари ба мо дӯст доир карда мешавад

Февраль 14, 2018 10:31

ДУШАНБЕ, 14.02.2018 /АМИТ «Ховар»/. 17 ва 18 феврали соли 2018 дар шаҳри Душанбе Рӯзҳои Япония баргузор мегарданд, ки дар доираи онҳо Фестивали фарҳангии Япония  доир карда  мешавад.

Дар ин бора аз Сафорати Япония дар Ҷумҳурии Тоҷикистон ба АМИТ «Ховар» хабар доданд. Ба иттилои манбаъ, Рӯзҳои Япония бо мақсади намоиш додани дӯстии байни Ҷумҳурии Тоҷикистон ва Япония ташкил гардида,  тамошобини тоҷик имконият пайдо мекунад, ки дар муҳити воқеӣ бо фарҳангу анъанаҳои Япония шинос гардад.

Тибқи барнома, Рӯзҳои Япония 17 феврал соати 10:00 бо намоиши филми «Ҳеҷ кас маро назорат намекунад» (яп. 誰も知らない — Дарэ мо сиранай) оғоз меёбад.

Сипас   маросими машҳури “санъати омодасозии чой” (Tea Terra)   пешниҳоди сокинон ва меҳмонони пойтахти Тоҷикистон гардонда  мешавад, ки ҳанӯз дар қарни  16 ба вуҷуд омадааст.

Дар идома баҳри баланд бардоштани сатҳи огоҳии аҳолӣ оид ба дастгирии шахсони дорои масъулияти маҳдуд баъзе намоишҳо низ сурат мегиранд.

Дар нимаи дуюми рӯз маросими кушодашавӣ ва баъд аз он барномаи фарҳангӣ бо иштироки ҳунармандон Гулум Касимбаева аз Қирғизистон, Матлуба Раҳимова аз Тоҷикистон ва Александр Ивашин аз Консерваторияи шаҳри Москва баргузор мешавад.

18 феврал намоиши ҳунарҳои маъруфи ҳарбзании японӣ аз ҷониби варзишгарон аз федератсияҳои айкидо, каратэ, сумо, кудо, кёкушинкай – каратэ ва варзишгарони маъюб, ки Будо-фестивал ном дорад, ба ҳозирин пешниҳод мегардад.

Бояд зикр намуд, ки Фестивал бо ибтикори Сафорати Япония дар Ҷумҳурии Тоҷикистон ва дастгирии Вазорати корҳои хориҷии Ҷумҳурии Тоҷикистон, Вазорати фарҳанги Ҷумҳурии Тоҷикистон, Кумитаи ҷавонон ва варзиши назди Ҳукумати Ҷумҳурии Тоҷикистон, Агентии Япония оид ба ҳамкории байналмиллалӣ,  AAR Япония, дафтари Toyota дар Осиёи Марказӣ, «Тоҷ Моторс», Донишгоҳи славянии Тоҷикистону Россия  ва Донишкадаи давлатии забонҳои Тоҷикистон ба номи Сотим Улуғзода доир мегардад.

 

 

Февраль 14, 2018 10:31

Хабарҳои дигари ин бахш

Дар Душанбе масъалаҳои ҳамгироии рақамиро дар сатҳи байналмилалӣ баррасӣ намуданд
ПИРЯХҲО ВА МАСОИЛИ ТАЪМИНИ ОБ ДАР САТҲИ ҶАҲОНӢ. Назари коршинос доир ба ташаббусҳои Президенти Тоҷикистон
Дар ноҳияи Рӯдакӣ Фестивали гулҳо таҳти унвони «Сайри гули лола» доир шуд
Дар Конибодом Фестивали шаҳрии гулҳо — «Сайри гули лола» доир гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар доираи «Даҳаи муаррифии илми академии тоҷик» конференсияи илмӣ баргузор шуд
Дар шаҳри Бӯстон олимпиада оид ба шоҳмот доир гардид
Имрӯз дар Тоҷикистон борони кӯтоҳмуддат меборад
Дар Донишгоҳи давлатии молия ва иқтисоди Тоҷикистон Фестивали «Сайри гули лола» доир карда шуд
Дар шаҳри Хоруғ Лигаи волейболи вилоят байни мардон то охири сол баргузор мегардад
Имрӯз дар баъзе минтақаҳои Тоҷикистон ҳаво то 28 дараҷа гарм мешавад
Дар Маркази такмили ихтисоси кормандони соҳаи тарбияи ҷисмонӣ ва варзиш машғулияти омӯзишӣ оғоз гардид