Дар Хатлон Форуми якуми занони ҳунарманд баргузор гардид
БОХТАР, 21.02.2018 /АМИТ «Ховар»/. Дар шаҳри Бохтар бахшида ба Соли рушди сайёҳӣ ва ҳунарҳои мардумӣ Форуми якуми занони ҳунарманди вилояти Хатлон таҳти унвони «Нақши занон дар рушди ҳунарҳои мардумӣ» баргузор гардид. Дар ин бора ба хабарнигори минтақавии АМИТ «Ховар» аз Раёсати кор бо занон ва оилаи мақомоти иҷроияи ҳокимияти давлатии вилояти Хатлон иттилоъ доданд.
Дар Форум раиси вилояти Хатлон Давлатшоҳ Гулмаҳмадзода, муовини раиси вилояти Хатлон Махфират Хидирзода, намояндагони илму фарҳанг, занони соҳибкор ва фаъол, ҳунармандони маъруфи шаҳру навоҳии вилоят ширкат варзида, дар мавзӯи нақши занон дар рушд ва эҳёи ҳунарҳои мардумӣ, бахусус чакану қуроқдӯзӣ ва зардӯзию заргарӣ сухан гуфтанд.
Раиси вилояти Хатлон иброз намуд, ки «занони вилояти Хатлон аз қадим бо ҳунарҳои дастии хеш маълуму машҳур мебошанд. Баргузории ин гуна озмуну фестивалҳо ба рушду равнақи ҳунарҳои мардумӣ ва сайёҳӣ мусоидат мекунад. Чунин намоишҳо, аз ҷумла Форуми занони ҳунарманд минбаъд дар вилоят мунтазам гузаронида мешаванд».
Дар доираи Форум намоиши маҳсулоти ҳунармандӣ сурат гирифта, занони моҳири Хатлон бо пешниҳоди маҳсулоти худ сайёҳон ва меҳмононро бо усули хоси санъату ҳунари мардуми тоҷик шинос намуданд.
Зимни Форум намоиши ҳунарҳои мардумӣ ва озмун барои муайян кардани соҳибкорзанони муваффақ доир гардид. Раиси вилоят бо маҳсули дастони занони ҳунарманд шинос шуда, ба ҳунари онҳо баҳои баланд дод. Дар вазъияти ботантана 6 зани ҳунарманди Хатлон ғолиби озмуни «Соҳибкорзани муваффақ» дониста шуда, бо сипоснома ва мукофотҳои мақомоти иҷроияи ҳокимияти давлатии вилояти Хатлон қадрдонӣ карда шуданд.
Пажуҳишгоҳи амрикоии «Gallup» Тоҷикистонро аз лиҳози амнияту субот дар ҷойи сеюм қарор дод
Дар Эрон Форуми сайёҳии Тоҷикистон ва Эрон баргузор гардид
Донишгоҳи байналмилалии сайёҳӣ ва соҳибкории Тоҷикистон ва Донишгоҳи давлатии технологии Беларус ҳамкориро густариш медиҳанд
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Намояндагони Донишгоҳи байналмилалии сайёҳӣ ва соҳибкории Тоҷикистон дар Пекин дар ҳамоиш доир ба масоили «Иқтисоди сабз» иштирок намуданд
Ҳайати Донишгоҳи байналмилалии сайёҳӣ ва соҳибкорӣ дар конфронси байналмилалӣ дар Чин иштирок намуд
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Хатсайрҳои сайёҳӣ бо мақсади шиносоӣ бо таърихи фаъолият ва корномаи давлатсозии Эмомалӣ Раҳмон ҷамъбаст шуданд
