Ҷилваи ҷамоли забони модарӣ. Дар Донишкадаи давлатии забонҳо Рўзи байналмилалии забони модарӣ таҷлил гардид
ДУШАНБЕ, 21.02.2018 /АМИТ «Ховар»/. Дар Донишкадаи давлатии забонҳои Тоҷикистон ба номи Сотим Улуғзода бахшида ба Рўзи байналмилалии забони модарӣ таҳти унвони «Забони модариам ифтихорам» ҳамоиш баргузор гардид.
Тавре аз Донишкада ба мухбири АМИТ «Ховар» хабар доданд, дар ҳамоиш ректори донишкада Маҳмадулло Раҷабзода дар бораи нақши Пешвои миллат муҳтарам Эмомалӣ Раҳмон дар рушди забони модарӣ сухан гуфт. «Сухани ноб ва ширину шевои тоҷикӣ бори нахуст дар баландтарин минбарҳои ҷаҳон аз забони Пешвои миллат садо дод ва ба ҷаҳониён аз ҳастии давлату миллати тоҷик мужда расонд. Бале, ҷилваи ҷамоли забони модарӣ дар суханрониҳо ва силсилаи асару мақолаҳои Пешвои миллат завқи забондонию забономўзиро дар дили хурду калон бедор кард. Дар қалби мардуми тоҷик шуълаи тобноки муҳаббати самимона ба забони модарӣ фурўзон шуд ва дигар муҳол аст, ки боду борони рўзгорон ин шуълаи муҳаббату самимиятро хомўш гардонад», — изҳор дошт Маҳмадулло Раҷабзода.
Муовини ректор оид ба илм ва инноватсия Олимҷон Маҳмадҷонов зикр кард, ки Рўзи байналмилали забони модарӣ ҳамасола дар заминаи қарори Маҷмаи умумии созмони байналмилалии ЮНЕСКО доир карда мешавад. Имсол низ бо ибтикори раёсати донишкада ва ҷалби донишҷўёну устодони соҳибзабон, аз қабили намояндагони забонҳои чинӣ, ҷопонӣ, куриёӣ, арабӣ, англисӣ, франсузӣ, ҳиндӣ, ӯзбекӣ ва туркманӣ ҳамоишӣ илмӣ баргузор гардид.
Мусаллам аст, ки Рӯзи байналмилалии забони модарӣ имсол таҳти унвони «Ҳифзи гуногунрангии забонҳо ва ташвиқу тарғиби multilingualism бо мақсади мусоидат ба татбиқи Ҳадафҳои рушди устувор» таҷлил карда мешавад ва ҳадафу мақсади он, пеш аз ҳама, мусоидат намудан ба таҳқиқ ва омўзиши бисёрзабонӣ ва тадриси он дар муассисаҳои таълимии кишварҳои аъзои Созмони Милали Муттаҳид ба шумор меравад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
