Муҳаммадмурод Абдураҳмонов сармураббии нави дастаи мунтахаби дзюдои Тоҷикистон интихоб шуд

Февраль 8, 2018 09:14

ДУШАНБЕ, 08.02.2018 /АМИТ «Ховар»/. Паҳлавони номдори тоҷик Муҳаммадмурод Абдураҳмонов сармураббии дастаи мунтахаби дзюдои  Тоҷикистон таъйин гардид.

Тавре аз Кумитаи миллии олимпии Ҷумҳурии Тоҷикистон ба хабарнигори АМИТ «Ховар» иттилоъ доданд, ӯ дар ин мақом Фахриддин Раҳимовро иваз кард.

Муҳаммадмурод Абдураҳмонов 29 ноябри соли 1986 дар ноҳияи Фархори вилояти Хатлон таваллуд шуда, соли 2014 Донишкадаи тарбияи ҷисмонии Тоҷикистонро хатм кардааст. Аз соли 2003 ба дзюдо машғул аст. Устоди варзиши дараҷаи байналмилалист. Дар мусобиқоти гӯштини дзюдо дар вазни аз 100 кило боло рақобат мекунад. Ӯ соли 2011 дар мусобиқаи Ҷоми ҷаҳон дар Қазоқистон  ҷойи панҷум, дар Бозиҳои XVI осиёӣ дар Гуанҷоу  Чин соли 2010  ва Бозиҳои XVII осиёӣ дар Инҷони Кореяи Ҷанубӣ соли 2014  ҷойҳои панҷум, дар Гран-прии Ӯзбекистон соли 2014 ҷойи сеюм, дар Ҷоми Осиё дар Тайван соли 2015 ҷойи аввалро ишғол кардааст.

Хотиррасон менамоем, ки Муҳаммадмурод Абдураҳмонов ду бор барандаи Ҷоми Президенти Тоҷикистон (2014, 2015) гардида, як дафъа (2013) ҷойи дуюмро гирифтааст. Инчунин ғолиби мусобиқаи байналмилалӣ барои ҷоизаи Саидмуъмин Раҳимов (2014) мебошад.

Февраль 8, 2018 09:14

Хабарҳои дигари ин бахш

Байни Кумитаҳои миллии олимпии Тоҷикистон ва Эрон Ёддошти тафоҳуми хамкорӣ ба имзо расид
Дар шаҳри Душанбе Форуми Шурои олимпии Осиё ва ҳамбастагии олимпӣ оғоз гардид
Имрӯз дар Душанбе Форуми Шурои олимпии Осиё ва ҳамбастагии олимпӣ баргузор мегардад
ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод