МУҚАРРАРОТИ ИДМ: Мусобиқаи байналмилалӣ оид ба гӯштин дар солҳои 2018-2021 дар Тоҷикистон баргузор карда мешавад
ДУШАНБЕ, 12.02.2018 /АМИТ «Ховар»/. Кумитаи кор бо ҷавонон ва варзиши назди Ҳукумати Ҷумҳурии Тоҷикистон баҳри рушди гӯштини миллӣ ба Котиботи Иттиҳоди давлатҳои мустақил дархост пешниҳод намуд. Дар асоси дархости мазкур тибқи Барномаи рушди намудҳои варзиши миллии давлатҳои узви ИДМ баргузории Мусобиқаи байналмиллалӣ оид ба гӯштин дар солҳои 2018-2021 дар Тоҷикистон муқаррар карда шуд.
Дар ин бора раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода имрӯз зимни нишасти матбуотӣ ба хабарнигорон иттилоъ дод.
Дар Соли ҷавонон зиёда аз 12 мусобиқаи байналмилалии варзишӣ, аз ҷумла, Ниммарафони байналмилалии Душанбе-2017, Мусобиқаи байналмилалӣ оид ба теннис байни наврасони то 14-сола, Чемпионати Осиё оид ба муҳорибаи ҷанги дастӣ, Мусобиқаи байналмилалӣ оид ба теннис байни наврасони то 14-сола, Мусобиқаи байналмилалӣ оид ба теннис байни наврасон, Мусобиқаи интихобӣ барои дарёфти роҳхат ба Ҷоми ҷаҳон оид ба теннис байни бонувони калонсол дар гурӯҳи дуюми қитъаи Осиё ва Уқёнус, Мусобиқаи байналмилалӣ оид ба теннис байни наврасон барои дарёфти «Ҷоми Президенти Ҷумҳурии Тоҷикистон», Чемпионати Осиё оид ба муҳорибаҳои универсалӣ (UNIFAIT) ва 4 мусобиқаи байналмилалӣ аз рӯи намуди муҳорибаи омехта дар сатҳи баланд баргузор карда шуданд. Дар онҳо варзишгарон аз кишварҳои Бразилия, Россия, Афғонистон, Эрон, Қазоқистон, Қирғизистон, Ӯзбекистон, Украина ва Беларус ширкат варзиданд.
Аҳтам Абдуллозода зикр намуд, ки моҳи августи соли равон баргузории Мусобиқаи байналмилалӣ оид ба теннис байни наврасон барои дарёфти «Ҷоми Президенти Ҷумҳурии Тоҷикистон» ба нақша гирифта шудааст, ки пурра аз ҳисоби буҷети давлатӣ маблағгузорӣ карда мешавад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
