ҲУШДОРИ ОБУҲАВОШИНОСОН: то 17 феврал дар роҳҳои автомобилӣ яхбандӣ ва фаромадани тарма пешбинӣ мешавад
ДУШАНБЕ, 16.02.2018 /АМИТ «Ховар»/. Ба иттилои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, то 17 феврали соли равон дар ноҳияҳои алоҳидаи кӯҳӣ (дар баландиҳои зиёда аз 2000 метр) эхтимоли фаромадани тарма ва сангреза дар назар буда, дар роҳҳои автомобилӣ яхбандӣ пешбинӣ мешавад.
Тавре сухангӯи Кумита Умеда Юсуфӣ ба мухбири АМИТ «Ховар» зимни суҳбат иброз дошт, дар дарёҳои аз қаторкӯҳи Ҳисор ҷоришаванда, инчунин дарёҳои Ёхсу ва Қизилсу баландшавии сатҳи об дар назар аст. «Дар ин робита Кумитаи ҳолатҳои фавқулода ва мудофиаи гражданӣ ба шаҳрвандон муроҷиат карда, хоҳиш мекунад, ки аз сафар намудан бо роҳҳои Душанбе-Хуҷанд, Душанбе-Лахш, Душанбе-Хоруғ-Мурғоб муваққатан худдорӣ намоянд».
Ба гуфтаи Умеда Юсуфӣ, наҷотдиҳандагони Кумита 15 феврал дар километри 69-уми шаҳри Душанбе дар натиҷаи фаромадани тарма ду мошин зери тарма мондаанд, ки наҷотдиҳандагони Кумита 7 нафарро аз марг наҷот доданд.
Дар ҳамин ҳол сардори Маркази обуҳавосанҷии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева ба мухбири АМИТ «Ховар» зикр намуд, ки шурӯъ аз бегоҳии 14 феврал дар ҷумҳурӣ ҳавои намнок аз минтақаҳои ҷанубу ғарб ба ҷумҳурии мо дохил шуд ва боиси ноустувор гардидани вазъи обу ҳаво дар қисми зиёди ноҳияҳои ҷумҳурӣ гардид. «То имрӯз баландии барф дар як қатор ноҳияҳои ВМКБ то ба 79 см расида, дар як қатор ноҳияҳои вилояти Суғд баландии барф дар баландкӯҳҳо то 43-45 см расид. Дар ағбаи Анзоб баландии барф ба 86 см баробар шуд.
Ба иттилои ӯ, чунин вазъи ҳаво то 16 феврал давом карда, аллакай рӯзи 16 дар қисми зиёди ҷумҳурӣ ҳаво бебориш хоҳад гашт. Ва эҳтимолияти шиддат гирифтани боришот 20 феврал пешгӯӣ карда мешавад, вале рӯзи 21 феврал боришот қатъ мегарданд.
«Дар рӯзҳои наздик ҳарорати ҳаво дар вилояти Хатлон шабона аз 1 дараҷа хунук то 4 дараҷа гарм, вале рӯзона 9-14 дараҷа гарм хоҳад шуд. Дар доманакӯҳҳо аз 4 дараҷа хунук то 1 дараҷа гарм ва рӯзона 4-9 дараҷа гарм мешавад. Инчунин дар вилояти Суғд гарчанде ҳаво бебориш аст, ҳарорат шабона 1-6 дараҷа сард ва рӯзона 8 дараҷа гарм мешавад. Дар ноҳияҳои тобеи марказ шабона боридани боришот пешгӯӣ карда мешавад. Дар ВМКБ қатъ гардидани бориши борон дар назар аст. Дар шаҳри Душанбе ҳаво тағйирёбанда шуда, асосан бебориш хоҳад буд»,-иброз дошт Ҷамила Байдуллоева ба хабарнигори АМИТ «Ховар».
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
