Дар Намоиши баҳории ҳунармандӣ ҳунари волои ҳунармандон ба маъраз гузошта шуд
ДУШАНБЕ, 03.03.2018 /АМИТ «Ховар»/. Имрӯз дар Маркази Исмоилияи шаҳри Душанбе Намоиши баҳории ҳунармандӣ баргузор гардид. Дар намоиши мазкур зиёда аз 120 нафар ҳунармандон аз тамоми манотиқи ҷумҳурӣ иштирок намуда, ҳунари дастии худро ба маъраз гузоштанд.
Тавре намояндагони Иттифоқи ҳунармандони Тоҷикистон ба хабарнигори АМИТ «Ховар» иброз доштанд, мақсад аз баргузории Намоиши баҳории ҳунармандӣ ин муаррифӣ намудани ҳунармандон, ҳунари дасти онҳо ва инчунин муаррифии таърихи бою рангини халқи тоҷик мебошад. Ҳамчунин ба ин васила ҳунармандон метавонанд дар ин намоишгоҳ маҳсули дасти хешро ба фурӯш бароварда, сатҳи зиндагияшонро хубтару беҳтар гардонанд.
Тарроҳ Нигина Икромова аз эълон гардидани соли 2018 ҳамчун Соли рушди сайёҳӣ ва ҳунарҳои мардумӣ изҳори хушнудӣ карда, зикр намуд, ки: «Боиси ифтихор аст ки Пешвои миллат муҳтарам Эмомалӣ Раҳмон ҳунармандонро дастгирӣ намуда, соли равонро Соли рушди сайёҳӣ ва ҳунарҳои мардумӣ эълон намуданд. Ин иқдом ба ҳунармандон имкон медиҳад, ки ҳунари худро боз ҳам сайқал дода, онро ба фуруш бароранд ва сайёҳонро аз таърихи халқу миллати бойи худ огоҳ созанд».
Ба гуфтаи Нигина Икромова ӯ то имрӯз ба зиёда аз 200 нафар ҷавондухтарон ҳунар омӯхта, пайваста дар ин гуна намоиш-фурӯши ҳунарҳои мардумӣ иштирок мекунад.
Номбурда ҳоло дар Намоиши баҳории ҳунармандӣ ҳамёнҳои дастӣ, либосҳои бо атлас омодашуда ва сабадҳоро ба намоиш гузоштааст.
Намоиши баҳории ҳунармандӣ бо ташаббуси Иттифоқи ҳунармандони Тоҷикистон ташкил шуда, он тайи ду рӯз, аз соати 9:00 то 17:00 идома меёбад.
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
