Дар шаҳри Душанбе Дави наврӯзӣ ва марафони велосипедронӣ баргузор гардид
ДУШАНБЕ, 17.03.2018 /АМИТ«Ховар»/. Субҳи имрӯз дар шаҳри Душанбе Дави наврӯзӣ ва марафони велосипедронӣ баргузор гардид. Дар мусобиқаи Дави наврӯзӣ, ки ба муносибати Наврӯзи хуҷастапай гузаронида шуд, донишҷӯёни Донишкадаи тарбияи ҷисмонӣ ва варзиши ба номи Саимуъмин Раҳимов Дилшод Саидов ва Муборакшоҳ Саидамиров ғолиб гардиданд.
Хотиррасон менамоем, ки ин мусобиқаҳои варзишӣ дар қаламрави ҷумҳурӣ гузаронида шуда, дар Душанбе он аз гардиши Товус то Наврӯзгоҳ (ба масофаи 3,5 км) сурат гирифт.
Ғолибони ин мусобиқот бо Ҷоизаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шуданд.
Бояд зикр кард, ки мусобиқоти мазкур баҳри оммавияти варзиш ва солимгардонии ҷомеа ҳамчун муждаи неку хуҷастаи ҷашни Наврӯз гузаронида шуданд.
Мавриди зикр аст, ки Кумитаи кор бо ҷавонон ва варзиш ҳамчун мақомоти ваколатдор дар самти татбиқи сиёсати давлатии тарбияи ҷисмонӣ ва инкишофи варзиш, таҳкими тарзи ҳаёти солим ва рушду оммавияти он давоми моҳи март ба ифтихори таҷлили сазовори ҷашни Наврӯзи хуҷастапай як силсила барномаҳои оммавӣ–варзишӣ, солимгардонӣ ва мусобиқаҳои варзишии дигарро низ ба нақша гирифтааст.
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
Дастаи мунтахаби Тоҷикистон ҷиҳати иштирок дар Бозиҳои олимпӣ ба шаҳри Парижи Фаронса сафар намуд
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Имрӯз дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
ҶОМИ ОСИЁ-2025. Дастаи мунтахаби наврасони Тоҷикистон (U-17) тамринҳои худро барои иштирок дар марҳилаи интихобии оғоз намуданд
Имрӯз дар шаҳри Душанбе ҳаво то 39 дараҷа гарм мешавад
