«ХОНИШИ ПАРЛУМОНӢ». Вакилон сабук ва шаффоф гардонидани ҷараёни андозсупорӣ ва такмили низоми маъмурикунонии андозро баррасӣ карданд

Март 15, 2018 14:51

ДУШАНБЕ, 15.03.2018/АМИТ «Ховар»/. Имрӯз таҳти раёсати муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Абдуҷаббор Азизӣ  «Хониши парлумонӣ» дар мавзӯи «Сода, сабук ва шаффоф гардонидани ҷараёни андозсупорӣ ва вобаста ба он такмили низоми маъмурикунонии андоз» баргузор шуд.

Тавре котиби матбуоти Маҷлиси намояндагон Муҳаммадато Султон хабар дод, аз рӯи масъалаи мазкур дар назди вакилони Маҷлиси намояндагон муовини раиси Кумитаи андози назди Ҳукумати Ҷумҳурии Тоҷикистон Хуршед Исмоилзода сухан гуфт.

Мавсуф иброз намуд, ки дар асоси таҳлилҳо оид ба вазъи соҳибкории хурду миёна ҷиҳати беҳтар намудани фазои сармоягузорӣ ва ҷалби бештари сармояи ватанию хориҷӣ барои рушди истеҳсолоти саноатӣ, ба Кодекси андози Ҷумҳурии Тоҷикистон тағйиру иловаҳо ворид карда шуд, ки дар он як қатор сабукиҳо ва имтиёзҳои андозӣ пешбинӣ гардида, аллакай мақомоти андоз баҳри татбиқи амалии тадбир  меандешанд.

Аз ҷумла, таҳвили (фурӯши) либосҳои шакли ягонаи мактабӣ ва томактабии истеҳсоли ватанӣ ва маводи дорувории истеҳсоли ватанӣ аз пардохти андоз аз арзиши иловашуда озод карда шуда, дар  баробари он, аз пардохти андоз аз фоида, андози содакардашуда, андоз аз арзиши иловашуда, андоз аз истифодабарандагони роҳҳои мошингард, андозҳо аз молу мулки ғайриманқул ба муҳлати 6 сол озод намудани корхонаҳои паррандапарварӣ ва корхонаҳои истеҳсолкунандаи хӯроки омехтаи парранда ва чорво пешбинӣ карда шуд.

Зикр шуд, ки яке аз самтҳои асосии фаъолияти мақомоти андоз маъмурикунонии андоз ба ҳисоб рафта, бо ин мақсад «Барномаи рушди маъмурикунонии андоз барои солҳои 2011-2019» тибқи қарори Ҳукумати Ҷумҳурии Тоҷикистон аз 3 декабри соли 2010 тасдиқ гардида, амал дорад, ки мақсади он беҳтар намудани маъмурикунонӣ ва сатҳи хизматрасонӣ ба андозсупорандагон, ҷорӣ намудани технологияи муосири иттилоотӣ ва дар заминаи он таҳия ва мавриди амал қарор додани барномаҳои компютерӣ, такмили дониши касбии кормандон ва дар сатҳи замонавӣ анҷом додани корҳои фаҳмондадиҳӣ ба андозсупорандагон мебошад.

Аз ҷумла, моҳи январи соли 2018 шумораи субъектҳои хоҷагидоре, ки эъломияҳои худро ба мақомоти андоз дар шакли электронӣ пешниҳод менамоянд, 2010 адад зиёд карда шуда, дар натиҷа имрӯз бо истифода аз барномаи компютерии «Утоқи шахсии андозсупоранда» зиёда аз 61 580 нафар андозсупорандагон эъломияҳои худро бо тартиби мазкур пешниҳод намуда, ҷиҳати ба тартиби мазкур гузаронидани андозсупорандагони боқимонда чораҷӯиҳо идома доранд.

 

 

Март 15, 2018 14:51

Хабарҳои дигари ин бахш

Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон ҳаво то 25 дараҷа гарм мешавад