«АҶАБ ШАҲРИ ДИЛОРО…». Маъюбону нафақахӯрон ба сайру тамошои пойтахт баромаданд

Апрель 19, 2018 18:23

ДУШАНБЕ, 19.04.2018 /АМИТ «Ховар»/.  Имрӯз Кумитаи рушди сайёҳии назди Ҳукумати Ҷумҳурии Тоҷикистон  таҳти сарпарастии Президенти Федератсияи футболи Тоҷикистон Рустами Эмомалӣ бахшида ба Рӯзи пойтахт ва Соли рушди сайёҳӣ ва ҳунарҳои мардумӣ    дар ҳамбастагӣ бо ширкати сайёҳии “Ҷавоҳир сайр”саёҳати маъюбону нафақахӯронро ба ҷойҳои таърихӣ ва мавзеҳои фарҳангию фароғатии шаҳри Душанбе роҳандозӣ намуд.    

Тавре аз Кумитаи рушди сайёҳӣ ба АМИТ «Ховар» хабар доданд, гурӯҳи маъюбон ва нафақахӯрони Маркази минтақавии хизмати иҷтимоӣ ба нафақахӯрон ва маъюбони шаҳри Душанбе аз маҳаллаи «8-уми март» сайругашти худро шурӯъ карда, аз майдони «800- солагии Москва», ҳайкали Исмоили Сомонӣ, Боғи “Парчам”, Боғи Устод Рӯдакӣ, Боғи Садриддин Айнӣ ва Кохи Наврӯз дидан намуданд.

Ҳамчунин дар тарабхонаи меҳмонхонаи “Ҳаятт Реҷенсӣ” барои онҳо хӯроки нисфирӯзӣ ташкил карда шуд.

Сайру саёҳати пойтахти Тоҷикистон баро маъюбону нафақахӯрон гуворо буд, боғу чаман ва кӯчаю барзан, симои имрӯзаи шаҳри дӯстдоштаашон онҳоро ба ваҷд овард.

Воқеан,  шаҳри Душанбе на танҳо бо сокинони кишварамон, балки ба меҳмонони хориҷӣ низ торафт бештар писанд меояд. Ин шаҳр ҳамчун маркази маъмурии кишвар дорои таърихи қадима, захираҳои бойи сайёҳию инфрасохтори мукаммал буда, ба макони баргузории чорабиниҳои байналмилалии сиёсию иқтисодӣ, илмию фарҳангӣ ва техникӣ мубаддал гардидааст ва ҷиҳати ҷалби таваҷҷуҳи ҷомеаи ҷаҳонӣ,  таҳкиму тақвият бахшидани  нуфузи кишвар   нақши бузург дорад.

Ёдовар мешавем, ки нашрияи “Зе Индепендент” (The Independent) пойтахти Тоҷикистон — шаҳри Душанберо ба ҳайси даҳгонаи мавзеъҳои бехатар аз рўи таъмини амнияти шабона эътироф намуд. Агентии таҳлилии “ТурСтат” бошад, чанд рӯз қабл рейтинги беҳтарин шаҳрҳои ИДМ-ро аз рӯи натиҷаҳои таҳлили саёҳатҳои писандидаи баҳорӣ дар соли 2018 тартиб дод ва шаҳри Душанберо ба феҳрасти 10-гонаи беҳтарин шомил  намуд.

Апрель 19, 2018 18:23

Хабарҳои дигари ин бахш

Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
РУШДИ САЙЁҲӢ. Имсол ба вилояти Суғд беш аз 242 ҳазор меҳмони хориҷӣ ворид шудааст
РУШДИ САЙЁҲӢ. Табиати дилфиреби Хатлонзаминро беш аз 400 ҳазор нафар сайёҳон тамошо намуданд
Сарвари давлат Эмомалӣ Раҳмон дар ноҳияи Дарвоз аз деҳаи этнографии комплекси сайёҳии «ЗЕВ.С» дидан намуданд
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд
РУШДИ САЙЁҲӢ. Имсол 1612 нафар сайёҳон табиати нотакрори Бадахшонро тамошо карданд
«ХАТЛОН-ҚАЛБИ ГАРМИ САЙЁҲӢ». Дар шаҳри Кӯлоб форум ва намоишгоҳи байналмилалии сайёҳӣ доир гардид
«САЁҲАТ БА ҚАЛБИ АВРУОСИЁ». 12 июл иштирокчиёни экспедитсияи байналмилалӣ ба Тоҷикистон мерасанд
«ХАТЛОН-ҚАЛБИ ГАРМИ САЙЁҲӢ». Дар Кӯлоб форум ва намоишгоҳи байналмилалии сайёҳӣ доир мешавад
Дар мавзуи «Нақши Ваҳдати миллӣ дар рушди иқтисоди миллӣ ва сайёҳию соҳибкорӣ» ҳамоиш баргузор шуд
Экспедитсияи сайёҳии «Саёҳат ба қалби Авруосиё-2025» аз Москва оғоз гардид
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд