БОЗ ДАР БОРАИ ҚАҲРАМОНҲОИ КЕМЕРОВО. Раиси Кумитаи тафтишотии Россия зодаи Тоҷикистон Фарзон Салимовро бо медали ҷангӣ қадрдонӣ намуд
ДУШАНБЕ, 02.04.2018. /АМИТ «Ховар»/. Раиси Кумитаи тафтишотии Россия Александр Бастрикин 31 март зимни боздид аз Кемерово зодаи Тоҷикистон Фарзон Салимов ва якчанд нафар қаҳрамонони дигари фоҷиаи маркази савдои «Зимняя вишняя»–ро қадрдонӣ намуд. Дар ин бора сомонаи Кумитаи тафтишотии Россия хабар медиҳад.
Тавре иттилоъ дода мешавад, А. Бастрикин дар Кемерово бо Фарзон Салимов, Александр Калачёв, Кристина Никитина ва Дмитрий Полухин, ки дар вазъияти фавқулода худро гум накарданд ва ҳаёташонро зери хатар гузошта, қаҳрамонии воқеӣ нишон доданд, алоҳида мулоқот намудааст.
«Корманди мағозаи пойафзолфурӯшӣ Фарзон Салимов ҳаёти худро ба хатар гузошта, ба наҷот додани одамон аз бинои оташгирифта кумак расонд»,- гуфта мешавад дар хабарномаи Кумитаи тафтишотии Россия.
А. Бастрикин зимни супоридани мукофотҳо ба онҳо изҳори миннатдорӣ намуда, таъкид кард, ки «ин медалҳо – медалҳои ҷангӣ мебошанд ва шахсоне бо онҳо сарфароз гардонида мешаванд, ки шуҷоати воқеӣ нишон додаанд».
Раиси Кумитаи тафтишотии Россия ҳамчунин зикр намуд, ки дар мулоқот бо пайвандону наздикони қурбониён ваъда додааст, ки барои пайдо намудани ҳақиқату адолат ва ҷазо додани гунаҳкорон тамоми кӯшишро ба харҷ медиҳад.
Тавре қаблан иттилоъ дода будем, Фарзон Салимов зодаи пойтахти Тоҷикистон – шаҳри Душанбе буда, кайҳо боз дар Кемерово кору зиндагӣ мекунад. Ӯ соли 2003 баъди хатми мактаб ба Россия рафтааст. Фарзон шаҳрванди Россия буда, ҳамроҳи ҳамсар ва се фарзандаш дар Кемерово зиндагӣ мекунад.
Ёдовар мешавем, ки тибқи маълумоти расмӣ, дар Кемерово 64 нафар, аз ҷумла, 41 кӯдак қурбони сӯхтор гардидаанд.
Дар Афғонистон 1,4 миллион духтар аз таҳсил дар мактаб дур мондаанд
Дар ноҳияи Айнӣ пайомадҳои офати табиӣ бартараф мегарданд
Пагоҳ дар Душанбе Иди тарбуз, харбуза ва каду баргузор мегардад
«Худшиносӣ – омили таҳкимбахши давлатдории миллӣ». Таҳти ин унвон дар шаҳри Гулистон вохӯрӣ баргузор гардид
Имрӯз дар Тоҷикистон ҳаво то 36 дараҷа гарм мешавад
Дар Афғонистон ба занон сурудхонӣ ва қироат бо садои баланд дар ҷойҳои ҷамъиятӣ манъ карда шуд
Дар ноҳияи Ванҷ бахшида ба ташаббусҳои ҷаҳонии Тоҷикистон конфронси ҷумҳуриявӣ доир гардид
Имрӯз дар шаҳри Душанбе ҳаво то 36 дараҷа гарм мешавад
Ҳамкории Шурои Иттифоқҳои касабаи вилояти Суғд ва Федератсияи Иттифоқҳои касабаи вилояти Свердловск густариш меёбад
22-23 август дар баъзе минтақаҳои кӯҳии Тоҷикистон омадани сел дар назар аст
Дар Ҷумҳурии Демократии Конго беш аз 200 нафар бар асари ғарқ шудани киштӣ бедарак шудаанд
Дар 30 дарёи Чин дар тамоми давраи мушоҳидаҳо обхезиҳои шадидтарин ба амал омаданд
