ДЗЮДО: варзишгарони ҷавони тоҷик дар Тошканд соҳиби 5 медали Ҷоми кушоди Осиё гардиданд!
ДУШАНБЕ, 17.04.2018 /АМИТ «Ховар»/. Паҳлавонони ҷавони тоҷик дар Ҷоми кушоди Осиё оид ба дзюдо миёни ҷавонон, ки 14-15 апрел дар шаҳри Тошканди Ҷумҳурии Ӯзбекистон доир гардид, 5 медал – 1 тилло, 2 нуқра ва 2 биринҷӣ ба даст оварданд.
Тавре аз Федератсияи дзюдои Тоҷикистон ба АМИТ «Ховар» иттилоъ доданд, дар мусобиқа 172 варзишгар аз 7 давлат, аз ҷумла аз Тоҷикистон 37 варзишгар (36 нафар миёни писарон ва 1 нафар миёни духтарон) иштирок намуданд. Паҳлавонони ҷавони тоҷик Қувватов Муҳаммадризо дар вазни -60 кг медали тилло, Шоҳида Қаландарова дар вазни -57 кг миёни бонувон ва Шарифҷон Қурбонов дар вазни -55 кг миёни писарон медали нуқра, Разиаллоҳ Лоиқов дар вазни -66 кг ва Давлаталӣ Назаралиев дар вазни -55 кг медали биринҷии мусобиқаро ба даст оварданд.
Ёдовар мешавем, ки дар Ҷоми кушоди Осиё оид ба дзюдо миёни наврасон, ки 12-13 апрели соли равон дар шаҳри Тошканд баргузор гардид, паҳлавонони навраси тоҷик иштирок намуда, соҳиби се медал — 1 тилло, 1 нуқра ва 1 биринҷӣ гардиданд.
Ҳоло варзишгарони тоҷик ба Чемпионати Осиё оид ба дзюдо миёни наврасону ҷавонон, ки 10-13 майи соли равон дар шаҳри Бейрути Лубнон доир мешавад, омодагӣ мебинанд. Барои иштирок дар чемпионати мазкур аз Ҷумҳурии Тоҷикистон 11 нафар миёни наврасон ва 11 нафар миёни ҷавонон сабти ном шудаанд.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
