Имрӯз дар Душанбе Иҷлосияи 23-юми Шӯрои вазирони корҳои хориҷии Созмони Ҳамкории Иқтисодӣ оғоз гардид
ДУШАНБЕ, 17.04.2018 /АМИТ «Ховар»/. Имрӯз дар шаҳри Душанбе бо иштироки вазирон ва муовинони вазирони корҳои хориҷии кишварҳои аъзои Созмони Ҳамкории Иқтисодӣ (СҲИ (ECO)) Иҷлосияи 23-юми Шӯрои вазирони корҳои хориҷии ин Созмон оғоз гардид.
Иҷлосияи 23-юми Шӯрои вазирони корҳои хориҷиро намояндаи Ҷумҳурии Исломии Покистон ифтитоҳ намуда, раёсати Созмони Ҳамкории Иқтисодиро ба Тоҷикистон вогузор намуд. Сипас муовини Сарвазири Ҷумҳурии Тоҷикистон Азим Иброҳим Паёми табрикотии Президенти Ҷумҳурии Тоҷикистон муҳтарам Эмомалӣ Раҳмонро барои иштирокдорон қироат намуд. Дабири кулли Созмони Ҳамкории Иқтисодӣ Халил Иброҳим Акча дар навбати худ ба Ҳукумат ва Президенти Ҷумҳурии Тоҷикистон, Ҷаноби Олӣ Эмомалӣ Раҳмон ва мардуми Тоҷикистон барои меҳмоннавозӣ ва фароҳам овардани шароити мусоиди корӣ миннатдории самимии худро баён кард.
Мавриди зикр аст, ки дар рӯзномаи Иҷлосия мавзӯъҳои раванди татбиқи созишномаҳои СҲИ, ки миёни кишварҳои аъзои СҲИ ба имзо расидаанд, муносибатҳои Котиботи СҲИ бо созмонҳои байналмилалӣ, ҳолати иҷрои барномаҳо ва лоиҳаҳои СҲИ, фаъолияти муассисаҳо ва ниҳодҳои СҲИ, пешрафт ва арзёбии иҷрои ҳадафу вазифаҳое, ки аз санади «Диди СҲИ 2025», бармеоянд, қабули Барномаи нави СҲИ оид ба мусоидат ба Афғонистон, инчунин масъалаҳои маъмурӣ ва молиявии Созмонро дарбар мегирад.
Дар кори Иҷлосия вазирон ва муовинони вазирони корҳои хориҷии давлатҳои Афғонистон, Эрон, Туркия, Озорбойҷон, Қазоқистон, Покистон, Туркманистон ва Ӯзбекистон иштирок доранд.
Имрӯз дар доираи Иҷлосияи мазкур дар «Боғи Ирам»-и пойтахт Намоишгоҳи ҳунарҳои мардумии кишварҳои СҲИ баргузор мегардад.
ТОҶИКИСТОН ВА РУСИЯ. Аз соли 1992 байни ду давлат зиёда аз 320 созишномаи байнидавлатӣ, байниҳукуматӣ ва байниидоравӣ ба имзо расидаанд
Дар пойтахти Тоҷикистон як қатор чорабиниҳои муҳими сатҳи баланди байналмилалӣ баргузор мегарданд
Сафири Тоҷикистон бо муовини якуми вазири нафти Давлати Кувайт мулоқот намуд
Сафири Тоҷикистон бо Вазири сармоягузории Амороти Муттаҳидаи Араб мулоқот анҷом дод
Намояндаи Тоҷикистон дар ҷаласаи Шурои генералии Созмони умумиҷаҳонии савдо иштирок намуд
Рӯзи забони давлатии Тоҷикистон дар Туркманистон таҷлил гардид
Қоҳир Расулзода бо Сарвазири Ҷумҳурии Бошқирдистони Федератсияи Русия Андрей Назаров мулоқот намуд
Cафири Тоҷикистон бо Директори Дафтари робитавии Созмони озуқаворӣ ва кишоварзӣ мулоқот намуд
Намунаи либосҳои тоҷикӣ дар чорабинии фарҳангии кишварҳои Осиё дар Корея намоиш дод шуд
Дар Женева имкониятҳо ва мавқеи Тоҷикистон оид ба устувории энергетикӣ муаррифӣ гардид
Байни вазоратҳои корҳои хориҷии Тоҷикистону Русия машваратҳо баргузор гардид
Масъалаи иштироки сармоягузорони Кувайт дар чорабиниҳои байналмилалии Тоҷикистон баррасӣ гардид
