Миёни Тоҷикистон ва Амороти Муттаҳидаи Араб оид ба ҷалби қувваи корӣ Ёддошти тафоҳум ба имзо расид
ДУШАНБЕ, 18.04.2018 /АМИТ «Ховар»/. Дар Абу Заби байни Ҳукумати Ҷумҳурии Тоҷикистон ва Ҳукумати Аморати Муттаҳидаи Араб Ёддошти тафоҳум оид ба ҷалби қувваи корӣ ба имзо расид. Ин санадро аз ҷониби Ҷумҳурии Тоҷикистон Вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағойзода ва аз ҷониби Амороти Муттаҳидаи Араб Вазири захираҳои инсонӣ ва аморотикунонии Амороти Муттаҳидаи Араб Носир бин Сонӣ ал Ҳамелӣ ба имзо расониданд. Дар ин бора аз Вазорати меҳнат, муҳоҷират ва шуғли аҳолии Ҷумҳурии Тоҷикистон ба АМИТ «Ховар» иттилоъ доданд.
Тавре гуфта мешавад, Сумангул Тағойзода зимни сафари корӣ ба Амороти Муттаҳидаи Араб инчунин бо намояндагони ширкатҳои бо кортаъминкунандаи Амороти Муттаҳидаи Араб вохӯрӣ намуда, имкониятҳои кории Ҷумҳурии Тоҷикистонро муаррифӣ намудааст.
Бояд тазаккур дод, ки масъалаи ҳамкорӣ доир ба ҷалби қувваи корӣ байни Ҷумҳурии Тоҷикистон ва Амороти Муттаҳидаи Араб зимни сафари расмии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Амороти Муттаҳидаи Араб моҳи феврали соли 2016 дар шаҳри Абу Забӣ ва зимни ҷаласаи 2-юми Комиссияи байниҳукуматии Ҷумҳурии Тоҷикистон ва Амороти Муттаҳидаи Араб оид ба ҳамкории иқтисодӣ, тиҷоратӣ ва техникӣ, ки моҳи апрели соли 2016 дар Душанбе доир гардида буд, баррасӣ шуд.
Мавриди зикр аст, ки тибқи муқаррароти Ёддошти тафоҳум, шаҳрвандони Ҷумуҳурии Тоҷикистон метавонанд дар Амороти Муттаҳидаи Араб дар асоси шартномаи меҳнатии инфиродӣ байни коргар ва корфармо, ки тибқи қонунгузории Амороти Муттаҳидаи Араб оид ба меҳнат, аз ҷониби Вазорати захираҳои инсонӣ ва аморотикунонии Амороти Муттаҳидаи Араб тасдиқ гардидааст, кору фаъолият намоянд.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
