Сайёҳони Ҳиндустон ба Ҷумҳурии Тоҷикистон ҷалб карда мешаванд
ДУШАНБЕ, 17.04.2018. /АМИТ “Ховар”/. Бо мақсади ҷалби таваҷҷуҳи ширкатҳои сайёҳии бонуфузи ҷаҳон ба имкониятҳои сайёҳии кишвар бо иштироки раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода, як зумра ширкатҳои сайёҳии Тоҷикистон ва ширкатҳои бузурги сайёҳии Ҷумҳурии Ҳиндустон мизи мудаввар баргузор гардид.
Аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ “Ховар” хабар доданд, ки дар вохўрии мазкур президенти Ассотсиатсияи ширкатҳои сайёҳии Ҳиндустон (IATO) Пранаб Саркар ва намояндагони ширкатҳои сайёҳии Ҳиндустон, бо шумули “Перфект Трейвлз”, “Инкрейбл Индия”, “Мера трейвлз”, “Едванча волд” ва дигарон ҳузур доштанд.
Зимни суханронӣ раиси Кумитаи рушди сайёҳии назди Ҳукумати Ҷумҳурии Тоҷикистон иброз дошт, имтиёзҳое, ки аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳаи сайёҳӣ дар кишвар роҳандозӣ шуданд, имконияти фарохеро ба соҳибкорон ва ширкатҳои сайёҳӣ фароҳам оварда, дар самти густариши ҳамкорӣ бо ширкатҳои сайёҳии кишварҳои олам низ заминаи мусоид ба вуҷуд меоранд.
Дар Ҷумҳурии Тоҷикистон аз лиҳози ҳуқуқӣ шароити якранг барои сармоягузорони дохилию хориҷӣ фароҳам оварда шудааст.
Ҷонибҳо аз имкониятҳои сайёҳии Тоҷикистон сухан гуфта, тартиби ҳамкориро дар ин самт баррасӣ намуданд. Ифтитоҳи хатсайри дуюми ширкати ҳавопаймоии ватании “Тоҷик Эйр” ба самти Душанбе-Деҳлӣ-Душанбе ва баргузории форуми намояндагони ширкатҳои сайёҳии Тоҷикистону Ҳиндустон дар шаҳрҳои Душанбе ва Деҳлӣ нуктаҳои муҳими мулоқоти мазкур буданд.
Ба гуфтаи президенти ширкати сайёҳии “Перфект трейвлз” Раҷ Баҷаҷ, танҳо соли гузашта 23 млн нафар аз Ҳиндустон ба кишварҳои мухталифи олам ҳамчун сайёҳ сафар кардаанд. Намояндагони ширкатҳои сайёҳии Ҳиндустон иброз намуданд, ки минбаъд Тоҷикистонро ба сайёҳон тавсия хоҳанд дод.
Бояд зикр намуд, ки Ҳиндустон аз лиҳози демографӣ яке аз сераҳолитарин кишвари олам баъд аз Чин ба шумор рафта, айни ҳол аҳолии он 1 млрд 340 млн 468 ҳазор нафарро ташкил медиҳад. Аз ин лиҳоз, сокинони Ҷумҳурии Ҳиндустон сайёҳони иқтидорӣ ба шумор мераванд.
Дар Душанбе рушди бозори меҳнат дар шароити иқтисоди «сабз» баррасӣ шуд
Омӯзгорони Донишгоҳи байналмилалии сайёҳӣ ва соҳибкории Тоҷикистон соҳиби сертификати байналмилалӣ гардиданд
Ҳайати омӯзгорони Донишгоҳи байналмилалии сайёҳӣ ва соҳибкории Тоҷикистон бо роҳбарияти Донишгоҳи Ситии Малайзия мулоқот намуд
Намояндагони Донишгоҳи байналмилалии сайёҳӣ ва соҳибкорӣ дар Малайзия вобаста ба омоданамоии кадрҳои баландихтисос вохӯрӣ намуданд
Дар Тоҷикистон оид ба рушди сайёҳии кишоварзӣ вохӯрӣ доир шуд
Дар Кумитаи рушди сайёҳӣ барномаи 3D-и «Аҷинатеппа» муаррифӣ гардид
Омӯзгорони Донишгоҳи байналмилалии сайёҳӣ ва соҳибкории Тоҷикистон ва Донишгоҳи Линии Чин табодули таҷриба менамоянд
«TOURIST MAP TAJIKISTAN». Он барои ба сайёҳон муаррифӣ намудани мавзеъҳои Тоҷикистон таҳия гардид
Бахшида ба 30-солагии Ҳизби Халқии Демократии Тоҷикистон дар Кумитаи рушди сайёҳӣ ҳамоиш доир гардид
Вобаста ба рушди соҳаи сайёҳӣ ва ҳунарҳои мардумӣ ҷаласаи ҷумҳуриявӣ баргузор шуд
«РОҲГАРДИИ СКАНДИНАВӢ». Дар Тоҷикистон мусобиқаи варзишии сайёҳӣ аз ин намуд баргузор мегардад
«ҲАФТКӮЛ». Ҷоиз аст, ки ин мавзеи зебои Тоҷикистон ба Феҳристи мероси ҷаҳонии ЮНЕСКО пешниҳод гардад
