Сармоягузорони Арабистони Саудӣ имкониятҳои сармоягузорӣ ба иқтисодиёти Тоҷикистонро меомӯзанд
ДУШАНБЕ, 04.04.2018. /АМИТ «Ховар»/. Соҳибкорон ва сармоягузорони Шоҳигарии Арабистони Саудӣ нақша доранд, ки шароит ва имконоти бозори Тоҷикистонро барои сармоягузорӣ омӯзанд. Дар ин бора SPA хабар медиҳад.
Раиси Сарраёсати сайёҳӣ ва мероси миллии Арабистони Саудӣ шоҳзода Султон ибни Салмон ибни Абдулазиз бо раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода ва ҳайати ҳамроҳони ӯ мулоқот намуд.
«Дар ҷараёни мулоқот ҷанбаҳои ҳамкорӣ дар соҳаи сайёҳӣ ва мероси миёни Шоҳигариву Тоҷикистон ва воситаҳои таҳким ва рушди онҳо баррасӣ шуданд. Ҷонибҳо ҳамнчунин ба имзо расонидани Ёддошти тафоҳум дар соҳаи сайёҳӣ миёни ду кишварро баррасӣ намуданд», — менависад SPA.
Дар ҳамин ҳол, бино ба иттилои Кумитаи рушди сайёҳии назди Ҳукумати Ҷумҳурии Тоҷикистон соҳибкорони саудӣ давоми соли равон ба Душанбе ташриф меоранд.
«Тавофуқоти марбута дар чорабиниҳо дар Арабистони Саудӣ мувофиқат карда шудаанд»,- омадааст дар хабари манбаъ.
Ёдовар мешавем, ки 1-2 апрели соли равон дар шаҳри Риёз ҷаласаи дуюми Комиссияи муштараки байниҳукуматии Тоҷикистону Шоҳигарии Арабистони Саудӣ оид ба ҳамкории иқтисодию тиҷоратӣ ва фарҳангию техникӣ, инчунин 2-3 апрел дар шаҳрҳои Риёз ва Ҷидда форуми соҳибкорони ҳарду кишвар доир гардиданд.
«Фазо ва имкониятҳои сармоягузории Тоҷикистон ба доираҳои тиҷоратӣ ва сармоягузории Шоҳигарии Арабистони Саудӣ муаррифӣ карда шуда, як зумра лоиҳаҳои сармоягузорӣ барои баррасӣ ва омӯзиш ба ҷониби Шоҳигарии Арабистони Саудӣ пешниҳод карда шуданд», — иттилоъ доданд аз Кумитаи давлатии сармоягузорӣ ва идораи амволи давлатӣ.
Бино ба иттилои SPA, аз соли 2007 то соли 2017 сармоягузорони Арабистони Саудӣ ба иқтисодиёти Тоҷикистон 160,2 миллион доллари ИМА сармоягузорӣ кардаанд.
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардиданд
«Стратегияи рушди Донишгоҳи байналмилалии сайёҳӣ ва соҳибкории Тоҷикистон барои давраи то соли 2040» самаранок татбиқ мешавад
Соли 2025 ба шаҳри Душанбе беш аз 450 ҳазор сайёҳ ворид гардид
Донишгоҳи байналмилалии сайёҳӣ ва соҳибкории Тоҷикистон бо 28 муассисаи таҳсилоти олии хориҷӣ созишномаи ҳамкорӣ ба имзо расонид
НИШАСТИ МАТБУОТӢ. Дар даври якуми қабул ба Донишгоҳи байналмилалии сайёҳӣ ва соҳибкории Тоҷикистон беш аз 3 ҳазор донишҷӯ дохил шуд
Ҳамкории Тоҷикистон ва Муғулистон дар соҳаи сайёҳӣ густариш меёбад
Ҳайати Экспедитсияи байналмилалии «Саёҳат ба қалби Авруосиё» ба шаҳри Душанбе расид
Водии «Ҳафткӯл» бо кӯлҳои рангоранг ва табиати афсункораш диққати сайёҳонро бештар ҷалб менамояд
Имсол ба Вилояти Мухтори Кӯҳистони Бадахшон беш аз 17 ҳазор сайёҳ ворид гардидааст
Душанбе — пойтахти Тоҷикистон ба яке аз шаҳрҳои пешрафтаи сайёҳии дунё табдил ёфтааст
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
