Байни Ҳукумати Ҷумҳурии Тоҷикистон ва Федератсияи Россия санадҳои нави ҳамкорӣ ба имзо расиданд
ДУШАНБЕ, 31.05.2017. /АМИТ «Ховар»/. Баъди анҷоми мулоқоту музокироти сатҳи олии Сарвазири Ҷумҳурии Тоҷикистон Қоҳир Расулзода ва Раиси Ҳукумати Федератсияи Россия Дмитрий Медведев байни Ҳукумати Ҷумҳурии Тоҷикистон ва Федератсияи Россия санадҳои нави ҳамкорӣ ба имзо расиданд.
Тавре хабарнигори АМИТ «Ховар» хабар медиҳад, дар ҳузури Сарвазири Ҷумҳурии Тоҷикистон Қоҳир Расулзода ва Раиси Ҳукумати Федератсияи Россия Дмитрий Медведев Созишнома байни Ҳукумати Ҷумҳурии Тоҷикистон ва Ҳукумати Федератсияи Россия оид ба шартҳои фаъолияти муассисаи таҳсилоти миёнаи умумии № 7 дар шаҳри Кӯлоб ба имзо расид, ки ба он Вазири маориф ва илми Ҷумҳурии Тоҷикистон ва Вазири маорифпарварии Федератсияи Россия Василева Олга Юревна имзо намуданд.
Дар доираи сафари расмии Раиси Ҳукумати Федератсияи Россия Дмитрий Медведев ба Ҷумҳурии Тоҷикистон Ёддошти тафоҳум оид ба ҳамкорӣ байни Кумитаи давлатии идораи замин ва геодезии Ҷумҳурии Тоҷикистон ва Хадамоти давлатии бақайдгирӣ, кадастр ва харитасозии Федератсияи Россия аз ҷониби Раиси Кумитаи давлатии идораи замин ва геодезии Ҷумҳурии Тоҷикистон Қурбон Ҳакимзода ва муовини Вазири рушди иқтисоди Федератсияи Россия-Роҳбари Хадамоти давлатии бақайдгирӣ, кадастр ва харитасозии Федератсияи Россия Абрамченко Виктория Валерйевна имзо карда шуд.
Ҳамчунин Ёддошти тафоҳум байни Хадамоти зиддиинҳисории назди Ҳукумати Ҷумҳурии Тоҷикистон ва Хадамоти Федералии зиддиинҳисории Федератсияи Россия оид ба ҳамкорӣ дар соҳаи сиёсати зиддиинҳисорӣ аз ҷониби Раиси Хадамоти зиддиинҳисории назди Ҳукумати Ҷумҳурии Тоҷикистон Саъдӣ Қодирзода ва роҳбари Хадамоти федералии зиддиинҳисории Федератсияи Россия Пузиревский Сергей Анатолиевич ба имзо расонида шуд.
Ёдовар мешавем, ки Раиси Ҳукумати Федератсияи Россия Дмитрий Медведев дирӯз бо сафари расмӣ ба Ҷумҳурии Тоҷикистон ташриф овард.
Дар Манама машваратҳои сиёсӣ байни вазоратҳои корҳои хориҷии Тоҷикистон ва Баҳрайн баргузор гардид
Намояндаи Тоҷикистон дар Муколамаи Манама иштирок намуд
Вазирони корҳои хориҷии Тоҷикистону Узбекистон мулоқот намуданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Вазорати корҳои хориҷии Тоҷикистон аз шомил шудани бархе аз бонкҳои кишвар ба феҳристи таҳримҳои Иттиҳоди Аврупо изҳори нигаронӣ намуд
Сироҷиддин Муҳриддин бо Одрӣ Азуле масъалаҳои густариши ҳамкории Тоҷикистон ва ЮНЕСКО-ро баррасӣ намуданд
Дар Самарқанд нақши Тоҷикистон дар ҳалли мушкилоти тағйирёбии иқлим ва обшавии пиряхҳо таъкид карда шуд
Дар шаҳри Пусан ҳамкории Ҷумҳурии Корея бо кишварҳои Осиёи Марказӣ дар соҳаи сайёҳӣ баррасӣ шуд
Байни Тоҷикистон ва Арабистони Саудӣ Ёддошти тафоҳум оид ба ҳамкорӣ дар соҳаи мудофиаи гражданӣ ва ҳимоя ба имзо расид
Ҳайати Тоҷикистон дар Конфронси генералии ЮНЕСКО иштирок менамояд
Дар Минск мулоқоти муовинони вазирони корҳои хориҷии Тоҷикистон ва Ҳиндустон баргузор шуд
Бо ташаббуси Тоҷикистон ҳамоҳангии талошҳои ИДМ, СААД ва СҲШ дар мубориза бо тундгароӣ баррасӣ шуд
