Бразилия сармоягузоронашро ба соҳаи сайёҳии Тоҷикистон ҷалб месозад
ДУШАНБЕ, 07.05.2018. /АМИТ “Ховар”/. Ҷониби Бразилия омода аст, то сармоягузорони бразилиро ба соҳаи сайёҳии Тоҷикистон ҷалб созад. Ин нуктаро имрӯз Сафири Ҷумҳурии Федеративии Бразилия дар Тоҷикистон бо қароргоҳи худ дар шаҳри Исломободи Покистон Клаудио Раҷа Габаглия Линс зимни мулоқот бо муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода иброз дошт.
Тавре ба АМИТ “Ховар” аз Кумитаи рушди сайёҳӣ хабар доданд, зимни мулоқот Ҳабибулло Амирбекзода оид ба имкониятҳои сайёҳии Тоҷикистон, дасгирии давлату Ҳукумат ҷиҳати рушди соҳа, корҳои анҷомшуда ва нақшаҳои оянда иттилоъ дода, иброз дошт, ки мо низ мехоҳем ҷашни Наврӯзи байналмилалии худро мисоли фестивали карнавали Бразилия ба ҷаҳониён муаррифӣ намуда, онро дар сатҳи хеле баланд таҷлил кунем, то ки сайёҳон аз тамоми гӯшаю канори олам ба тамошо биёянд. “Тоҷикистон кишварест, ки дар як вақт метавон 4 фасли солро дид ва маконҳои таърихию мавзеъҳои тамошобоби он ҷолиби диққатанд”, — афзуд Ҳ. Амирбекзода.
Сафири Ҷумҳурии Федеративии Бразилия дар Тоҷикистон Клаудио Раҷа Габаглия Линс дар навбати худ иброз дошт, ки ҷониби Бразилия омода аст, то сармоягузорони бразилиро ба соҳаи сайёҳии Тоҷикистон ҷалб созад. “Мо аз эълон гардидани соли 2018 ҳамчун Соли рушди сайёҳӣ ва ҳунарҳои мардумӣ хеле шодем ва имконоти сайёҳии Тоҷикистонро ба сокинони Бразилия муаррифӣ намуда, ҳамкории ҷониби Тоҷикистонро бо соҳаи сайёҳии кишвар ва ширкатҳои сайёҳӣ ба роҳ мемонем”, — иброз дошт Клаудио Линс.
Қобили зикр аст, ки аҳолии Бразилия айни ҳол 206 миллиону 82 ҳазор нафарро ташкил менамояд ва Бразилия ҳамчун кишвари сераҳолӣ дар ҷаҳон дар ҷойи панҷум қарор дорад. Метавон дар ҳамкорӣ бо Ҳукумати Бразилия шумораи сайёҳони бразилиро ба Тоҷикистон афзун намуд.
Ёдовар мешавем, ки ҳамкории дуҷониба миёни Тоҷикистону Бразилия аз соли 1996 шурӯъ гардида, то имрӯз ин ду кишвари бо ҳам дӯст дар самтҳои мухталиф ҳамкории мутақобилан судмандро ба роҳ мондаанд.
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
