Дар шаҳри Хоруғ даври ниҳоии озмуни вилоятии «Дастони моҳир» баргузор гардид
ХОРУҒ, 12.05.2018 /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон даври ниҳоии озмуни вилоятии «Дастони моҳир» баргузор гардид. Озмуни мазкур бо ибтикори Муассисаи давлатии Маркази таҳсилоти иловагии вилоят башида ба Соли рушди сайёҳӣ ва ҳунарҳои мардумӣ гузаронида шуд.
Ба иттилои директори муассисаи мазкур Ниёзмамад Мамадаёзов, мақсад аз баргузории озмуни «Дастони моҳир» баланд бардоштани ҳунару истеъдоди кӯдакону наврасон ва эҳёи анъанаҳои миллӣ, эҳтиром гузоштан ба суннатҳои халқӣ, ҳамчунин боло бурдани дарки зебоипарастии онҳо буд. Иштирокдорони даври ниҳоии озмун, ки беш аз 40 нафарро ташкил медоданд, маҳсули ҳунару истеъдоди худро дар бофандагию дузандагӣ, муҳрабофию кашидадӯзӣ ба намоиш гузоштанд.
«Ба ҳунари муҳрафбофӣ аз овони хурдсолӣ дил бастаам. Дар омӯзиши ин ҳунар модаркалонам ба ман кумак мекард. Баъд аз синфи панҷ аъзои Маркази таҳсилоти иловагӣ гардидам ва тайи чанд сол аст, ки дар бахши муҳрабофӣ ҳунару истеъдоди худро такмил медиҳам», — гуфт яке аз иштирокдорон, хонандаи муассисаи таҳсилоти миёнаи умумии рақами 11-и ноҳияи Дарвоз Моҳидарвози Расул.
Ба гуфтаи омӯзгори Маркази таҳсилоти иловагии вилоят Насиба Душанбиева, доштани ҳунару салиқаи дузандагӣ барои ҳар як духтар шарт ва зурур аст. Занону духтарон бояд сарфи назар аз касбу корашон ҳунари дӯхтану бофтанро аз худ намоянд.
Баъди санҷиши дониши назариявию амалӣ доварон ба ҳунари иштирокдорони озмун баҳогузорӣ намуданд. Ҳамин тариқ, дар бахши бофандагӣ аъзои маҳфил аз ноҳияи Рӯшон Басима Назарова ва дар бахши муҳрабофӣ аъзои Маркази таҳсилоти иловагии ноҳияи мазкур Ҳуснияи Таваккал мақоми аввалро соҳиб шуданд. Дар бахши кашидадузӣ пирӯзӣ насиби Гулдаста Ниятбекова аз ноҳияи Шуғнон гардид. Дар бахши дузандагӣ доварон ҷои аввалро ба Оиша Иззатова аъзои бахши Маркази таҳсилоти иловагӣ аз ноҳияи Ванҷ сазовор донистанд.
Дар фарҷом ғолибон бо ифтихорномаи Муассисаи давлатии Маркази таҳсилоти иловагии вилоят ва мукофоти пулӣ сарфароз гардонида шуданд.
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Хатсайрҳои сайёҳӣ бо мақсади шиносоӣ бо таърихи фаъолият ва корномаи давлатсозии Эмомалӣ Раҳмон ҷамъбаст шуданд
Дар Исфара оид ба ташаббусҳои Президенти Тоҷикистон дар рушди сайёҳӣ ҳамоиш баргузор шуд
Дар Федератсияи варзиши сайёҳии Тоҷикистон ҷаласаи ҳисоботӣ – интихоботӣ доир гардид
РОҒУН-ШАҲРИ ПИСАНДИДАИ МЕҲМОНОН. Дар нуҳ моҳ беш аз 7 ҳазор сайёҳони хориҷӣ ва дохилӣ ба тамошои он омаданд
Бахшида ба Рӯзи Президенти Ҷумҳурии Тоҷикистон дар Душанбе хатсайрҳои сайёҳӣ ташкил гардиданд
Дар Кувайт зарфияти сайёҳии Тоҷикистон муаррифӣ гардид
Тоҷикистон ва Чин ҳамкориро дар самти сайёҳӣ тақвият мебахшанд
