Иттиҳоди Аврупо Конфронси байналмилалии «Муқовимат бо терроризм ва ифротгароии хушунатомез» дар Тоҷикистонро дастгирӣ менамояд

Май 3, 2018 09:55

ДУШАНБЕ, 03.05.2018 /АМИТ «Ховар»/. Ҳайати баландпояи Иттиҳоди Аврупо, ҳамчун яке аз шарикон, дар Конфронси байналмилалии сатҳи баланд «Муқовимат  бо терроризм ва ифротгароии хушунатомез», ки 3-4 майи соли 2018 дар шаҳри Душанбе баргузор мегардад, иштирок хоҳад кард. 

Тавре ба АМИТ «Ховар» аз намояндагии Иттиҳоди Аврупо дар Тоҷикистон  хабар доданд, муҳимияти муқовимати самаранокро бо терроризм ва ифротгароии хушунатомез ба назар гирифта, ҳайати Иттиҳоди Аврупоро, муовини Дабири кулли Хадамоти корҳои хориҷии Аврупо оид ба масоили сиёсӣ, сафир Жан-Кристоф Беляр,  Ҳамоҳангсози Иттиҳоди Аврупо дар самти мубориза бар зидди терроризм Жил де Кершов ва Намояндаи махсуси Иттиҳоди Аврупо оид ба Осиёи Марказӣ, Сафир Петер Буриан роҳбарӣ мекунанд.

Тавре Намояндаи Олии Иттиҳоди Аврупо оид ба корҳои хориҷӣ ва сиёсати амниятӣ ва муовини Раиси Комиссияи Аврупо хонум Федерика Могеринӣ изҳор дошт: «Мо ба ҳамкорӣ бо кишварҳои шарик дар самти мубориза бар зидди терроризм аҳамияти аввалиндараҷа медиҳем. Мо шабакаи коршиносони соҳаи зиддитеррористиро, ки дар кишварҳои калидӣ ҷойгир карда шудаанд, таъсис додаем. Инчунин, бо мақсади мубодилаи таҷрибаи пешқадам ва омӯхтан аз якдигар мо бо шариконамон як зумра муколамаҳоро дар самти мубориза бар зидди терроризм ривоҷ медиҳем. Беҳтарин роҳ барои ҳалли самараноки тундгароӣ ва ифротгароӣ ин дар якҷоягӣ ва ҳамоҳангӣ кор кардан аст».

Соли гузашта Шӯрои Иттиҳоди Аврупо хулосаҳо оид ба иқдомоти берунаи Иттиҳоди Аврупо дар самти мубориза бар зидди терроризмро қабул намуда, ҳама гуна шакл ва зуҳуроти террористиро новобаста кӣ ва барои чӣ онро анҷом медиҳад, қотеъона ва бечуну чаро маҳкум мекунад.

Гуфта мешавад, ки ҳайати баландпояи Иттиҳоди Аврупо дар кори Конфронс ва чорабиниҳои он иштирок карда, инчунин аз сарҳади Тоҷикистону Ӯзбекистонро дидан менамояд.

Май 3, 2018 09:55

Хабарҳои дигари ин бахш

Ба муносибати Рӯзи ваҳдати миллӣ дар Сафорати Ҷумҳурии Тоҷикистон дар Давлати Кувайт чорабинии тантанавӣ доир гардид
Нишасти навбатии Гурӯҳи корӣ дар қолаби С5+Олмон баргузор гардид
Тоҷикистон аз созиши оташбас байни Исроил ва Эрон истиқбол менамояд
Сафири Тоҷикистон ба Президенти Малдив эътимоднома супорид
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид