Мулоқоту музокироти сатҳи баланд байни ҳукуматҳои Тоҷикистону Россия ҷиҳати расидан ба ҳадафҳои созанда ва қавӣ гардидани муносибатҳои дуҷониба замина мегузоранд
ДУШАНБЕ, 31.05.2018 /АМИТ «Ховар»/. Имрўз дар доираи сафари расмии Раиси Ҳукумати Федератсияи Россия Дмитрий Медведев ба Ҷумҳурии Тоҷикистон мулоқоту музокироти байниҳукуматии Ҷумҳурии Тоҷикистон ва Федератсияи Россия баргузор гардид.
Зимни мулоқоту музокирот масоили вобаста ба ҳамкорӣ дар бахшҳои афзалиятнок баррасӣ шуда, ҷонибҳо ҷиҳати густаришу тақвият ёфтани муносибатҳои дуҷониба ва бисёрҷониба пешниҳодҳои судманд баён намуданд.
Дар ҷараёни суҳбат истифодаи самарабахши имконияту иқтидорҳои мавҷуда, пайдо намудани роҳу усулҳои нави ҳамкорӣ дар ҳамаи бахшҳои мавриди таваҷҷуҳ ва дар маҷмӯъ боз ҳам густариш ёфтани муносибатҳои байниҳукуматӣ муҳим шуморида шуд.
Ҷонибҳо ҳамкории Ҷумҳурии Тоҷикистон бо Федератсияи Россияро дар ҳама бахшҳо хуб арзёбӣ карда, барои тақвияти бештари он изҳори ҳавасмандӣ намуданд.
Масъалаҳои вобаста ба ҳамкорӣ дар соҳаҳои иқтисоду тиҷорат, энергетика, кишоварзӣ, саноат, роҳу нақлиёт, маориф ва илм, сармоягузорӣ, шуғли аҳолӣ ва ғайра ҳамчунин дар мулоқоти ҳайатҳои ҳукуматӣ, ки бо иштироки Сарвазири мамлакат Қоҳир Расулзода ва Раиси Ҳукумати Федератсияи Россия Дмитрий Медведев баргузор гардид, баррасӣ шуд.
Изҳори умедворӣ карда шуд, ки сафари расмии Раиси Ҳукумати Федератсияи Россия Дмитрий Медведев ба Ҷумҳурии Тоҷикистон ва мулоқоту музокироти сатҳи баланд байни ҳукуматҳо ҷиҳати расидан ба ҳадафҳои созанда ва боз ҳам устувору қавӣ гардидани муносибатҳои Тоҷикистону Россия замина мегузорад.
Пас аз мулоқоти ҳайатҳо маросими имзои санадҳои дуҷониба байни Ҳукумати Ҷумҳурии Тоҷикистон ва Ҳукумати Федератсияи Россия баргузор гардид. Баъди имзои санадҳои байниҳукуматӣ бо иштироки Сарвазири Ҷумҳурии Тоҷикистон Қоҳир Расулзода ва Раиси Ҳукумати Федератсияи Россия Дмитрий Медведев нишасти матбуотӣ баргузор гардид. Дар нишаст натиҷаи сафари расмии Раиси Ҳукумати Федератсияи Россия Дмитрий Медведев ба Ҷумҳурии Тоҷикистон қаноатбахш арзёбӣ гардид.
Дар Теҳрон роҳҳои рушди ҳамкорӣ байни Тоҷикистон ва Эрон баррасӣ шуданд
Дар Минск масъалаҳои мубрами ҳамкории Тоҷикистон ва Беларус баррасӣ гардид
Сафири Тоҷикистон бо мудири кулли Фонди кувайтии рушди иқтисодии араб мулоқот намуд
Байни Тоҷикистон ва Аморот сафарҳои омӯзишии олимон, пажуҳишгарон ва донишҷӯён амалӣ карда мешаванд
Сафири Тоҷикистон дар Нишасти 20-уми изтирории Шурои вазирони корҳои хориҷии давлатҳои аъзои Созмони ҳамкории исломӣ иштирок намуд
Дар Абузабӣ истифодаи зеҳни сунъӣ дар таъмини бехатарии ҷомеа баррасӣ гардид
Бузургии Зан-Модар- ин олиҳаи ҳаёт ҳамеша вирди забони башарият аст
Тоҷикистон бо ширкати “Venture One” ҳамкорӣ менамояд
Байни минтақаҳои Тоҷикистон ва Амороти Муттаҳидаи Араб ҳамкорӣ амалӣ мешавад
Сафири Тоҷикистон ба Президенти Гурҷистон эътимоднома супорид
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
Муколамаи коршиносон оид ба тамоюл ва дурнамои муосири «Осиёи Марказӣ+Ҷопон» доир гардид
