«Рушди сайёҳӣ дар Ҷумҳурии Тоҷикистон: имкониятҳо ва пешомадҳо», — Конфронси байналмилалӣ дар шаҳри Душанбе
ДУШАНБЕ, 01.05.2018 /АМИТ «Ховар»/. Соҳаи сайёҳӣ яке аз самтҳои сердаромад ва бо ҷойи кор таъмин намудани аҳолӣ мебошад. Маҳз ба ҳамин хотир Ҳукумати Ҷумҳурии Тоҷикистон ба рушди он таваҷҷуҳи махсус зоҳир намуда, тадбирҳои мушаххасро амалӣ менамояд. Ин нуктаро муовини Раиси Ҳизби Халқии Демократии Тоҷикистон Раъно Бобоҷониён имрӯз, 1 май дар Конфронси байналмилалии «Рушди сайёҳӣ дар Ҷумҳурии Тоҷикистон: имкониятҳо ва пешомадҳо», ки дар шаҳри Душанбе баргузор гардид, баён дошт.
Тавре мухбири АМИТ «Ховар» иттилоъ медиҳад, қабл аз оғози конфронс меҳмонон аз намоиши ҳунарҳои мардумӣ дидан намуда, бо мероси таърихӣ, ҳунарҳои мардумӣ ва имкониятҳои сайёҳии мамлакат шинос шуданд.
Бояд гуфт, ки дар конфронси мазкур, ки бо ташаббуси Кумитаи иҷроияи ҲХДТ дар шаҳри Душанбе баргузор гардид, намояндагони Дастгоҳи иҷроияи Президенти Ҷумҳурии Тоҷикистон, Кумитаи иҷроияи марказии ҲХДТ, корпусҳои дипломатии муқими пойтахт иштирок ва суханронӣ намуданд.
Аз ҷумла, дар конфронс зикр шуд, ки Соли рушди сайёҳӣ ва ҳунарҳои мардумӣ эълон гардидани соли 2018 идомаи мантиқии ташаббусҳои Пешвои миллат муҳтарам Эмомалӣ Раҳмон ҷиҳати баланд бардоштани зиндагии аҳолии мамлакат мебошад. Дар чор моҳи аввали соли равон дар доираи эълон гардидани ин сол аз ҷониби Ҳукумати мамлакат тадбирҳои мушаххас андешида шуданд. Аз ҷумла, аз андоз озод намудани зиёда аз 100 намуди ҳунарҳои мардумӣ ва бо Қарори Ҳукумати Ҷумҳурии Тоҷикистон тасдиқ гардидани рўйхати иншооти сайёҳие, ки барои бунёди онҳо воридоти таҷҳизоту техника ва маводи сохтмонӣ аз андоз аз арзиши иловашуда ва боҷи гумрукӣ озод карда шуданд, далели гуфтаҳои боло мебошанд.
Ёдовар мешавем, ки мақсад аз баргузор намудани Конфронси байналмилалии «Рушди сайёҳӣ дар Ҷумҳурии Тоҷикистон: имкониятҳо ва рушд» тарғиби мавзеъҳои таърихиву фарҳангӣ ва сайёҳии мамлакат, ҳунарҳои қадима ва мардумии халқи тоҷик мебошад.
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Ҷаҳонгарди тоҷик Парчами Ҷумҳурии Тоҷикистонро дар нуқтаи баландтарини Антарктида парафшон намуд
Тоҷикистон барои қабули раисии Шурои Иттиҳоди Давлатҳои Мустақил оид ба сайёҳӣ изҳори омодагӣ намуд
